ဝီႇၶီႇၶၢဝ်ႇ

ပႃႇတီႇၽွမ်ႉႁူမ်ႈ လိူၵ်ႈဢဝ်လုၵ်ႈယိင်း ထၵ်းသိၼ် တႃႇတႅင်ႇတင်ႈပဵၼ် ၸွမ်ၽွင်းမႂ်ႇ မိူင်းထႆး

ဝၼ်းၽတ်း၊ ဢေႃးၵၢတ်ႉ 15၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=မိူင်းထႆး notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းထႆး
ႁူမ်ႈသၢင်ႈ!
မိူင်းထႆး
မိူင်းထႆး
ၽႄႊထွင်ႊထၢၼ်ႊ သျိၼ်ႊၼဝတ်း

ၽႄႊထွင်ႊထၢၼ်ႊ သျိၼ်ႊၼဝတ်း ၵေႃႉပဵၼ်လုၵ်ႈယိင်း ၸွမ်ၽွင်းလူင်ၵဝ်ႇထႆး ထၵ်းသိၼ် သျိၼ်ႊၼဝတ်းၼၼ်ႉ ၸုမ်းႁူမ်ႈပွင်းဢုပ်ႉပိူင်ႇၽွင်းငမ်းၶဝ် လိူၵ်ႈဢဝ်ပဵၼ် ၸွမ်ၽွင်းလူင်မႂ်ႇ ၼႆယဝ်ႉ။ ၽူႈဢွၼ်ႁူဝ် ပႃႇတီႇၽိူဝ်ႉထႆး ဢၼ်ဢုပ်ႉပိူင်ႇၽွင်းငမ်းမိူင်းၼၼ်ႉ ႁူပ်ႉထူပ်းၵၼ် မိူဝ်ႈဝႃး တႃႇတေတႅင်ႇတင်ႈ ၸွမ်ၽွင်းလူင်မႂ်ႇ ဝၢႆးသေ လုမ်းတြႃး လၵ်းမိူင်းထႆး တႅပ်းတတ်းမိူဝ်ႈဝႃးဝႃႈ ၸွမ်ၽွင်းလူင် သဵတ်ႇထႃ ထဝီႊသိၼ် ပူၼ်ႉပႅၼ် ၽိင်ႈတိုဝ်းၵမ် ၼႆသေ လႆႈထွၼ်ဢွၵ်ႇ ၼႃႈတီႈမၼ်း ၼႆယဝ်ႉ။ ၵႅမ်ၽူႈၶၢၼ်ပၢၵ်ႇ ထၢၼ်ၽွင်းၼွၵ်ႈမိူင်း မိူင်းဢမႄႇရိၵၢၼ်ႇ လၢတ်ႈဝႃႈ လွင်ႈလႅၵ်ႈလၢႆႈၽူႈဢွၼ်ႁူဝ်ၼႆႉ မိူင်းထႆးမုင်ႈမွင်းဝႃႈ တေႁဵတ်းသၢင်ႈၵႂႃႇလႆႈ ၵတ်းၵတ်းယဵၼ်ယဵၼ်ယူႇ ဝႃႈၼႆ။

Vedant Patel ၵႅမ်ၽူႈတၢင်လၢတ်ႈ ႁွင်ႈၵၢၼ်ၽၢႆႇၼွၵ်ႈမိူင်း မိူင်းဢမႄႇရိၵၢၼ်ႇ လၢတ်ႈမိူဝ်ႈဝႃး လွင်ႈဢၼ်လႆႈႁူႉၸွမ်းဝႃႈ ၸွမ်ၽွင်းလူင်မိူင်းထႆး လႄႈ လူင်ပွင်ၸိုင်ႈတင်းမူတ်း တေလႆႈထွၼ်တူဝ်ဢွၵ်ႇ ၸွမ်းၼင်ႇ လုမ်းတြႃး ပိူင်ငဝ်ႈပိုင်းမိူင်း မိူင်းထႆး တႅပ်းတတ်းဝႆႉၼၼ်ႉသေ ဢမႄႇရိၵၢၼ်ႇ မုင်ႈမွင်းဝႆႉဝႃႈ လွင်ႈလိူၵ်ႈတင်ႈ ၸွမ်ၽွင်းလူင်မႂ်ႇ လႄႈ လွင်ႈလႅၵ်ႈလၢႆႈဢႃႇၼႃႇၼႆႉ ႁႂ်ႈပဵၼ်မႃး လီလီငၢမ်းငၢမ်း ဝႃႈၼႆယဝ်ႉ။။ မိူဝ်ႈၽုၵ်ႈ ဝၼ်းသုၵ်း သၽႃးမိူင်းထႆး တေလိူၵ်ႈတင်ႈ ၸွမ်ၽွင်းလူင်ၵေႃႉမႂ်ႇ ဝႃႈၼႆ။

မိူဝ်ႈဝၼ်းပုတ်ႉၼၼ်ႉ ၽူႈတႅပ်းတတ်းတြႃး ၵမ်ႈပႃႈၼမ် တီႈလုမ်းတြႃး ပိူင်ငဝ်ႈပိုင်းမိူင်း မိူင်းထႆး တႅပ်းတတ်းဝႃႈ ၸွမ်ၽွင်းလူင်ၵဝ်ႇ သဵတ်ႇထႃ ထဝီႊသိၼ် တႅင်ႇတင်ႈ ၵူၼ်းၵေႃႉဢၼ် ယၢမ်ႈတူၵ်းၶွၵ်ႈ ယွၼ်ႉၶတ်းၸႂ် ပၼ်ငိုၼ်းမွၼ် ၽူႈတႅပ်းတတ်းတြႃးၼၼ်ႉ မၼ်းပူၼ်ႉပႅၼ် ၽိင်ႈတိုဝ်းၵမ် ၼႆယဝ်ႉ။ မၼ်းၼႆႉ ပဵၼ်ၸွမ်ၽွင်းလူင် ပႃႇတီႇၽိူဝ်ႉထႆး ၵေႃႉထီႉ 3 ဢၼ်လုမ်းတတ်းသိၼ် လၵ်းမိူင်းထႆး လႆႈထွၼ်ဢွၵ်ႇတၼ်းႁဵင်းပႅတ်ႈ ၼႂ်းၶၢဝ်းတၢင်း ဢမ်ႇတဵမ်ပီ ၼၼ်ႉယဝ်ႉ။


ငိူၼ်ႈငဝ်ႈၶၢဝ်ႇ

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=ပႃႇတီႇၽွမ်ႉႁူမ်ႈ_လိူၵ်ႈဢဝ်လုၵ်ႈယိင်း_ထၵ်းသိၼ်_တႃႇတႅင်ႇတင်ႈပဵၼ်_ၸွမ်ၽွင်းမႂ်ႇ_မိူင်းထႆး&oldid=2066"