ယူႇၶရဵၼ်းမႆႈၸႂ် ၵူဝ်မၢၵ်ႇမိသ်ႉသၢႆးလ်ၵႅတ်ႇၵင်ႈၵၢင်ႁၢဝ် မူတ်းသဵင်ႈ

ဝၼ်းၸၼ်၊ ဢေႇပရႄႇ 8၊ 2024 

ၽၢင်ႁၢင်ႈယိုဝ်း မၢၵ်ႇမိသ်ႉသၢႆးလ်ၵႅတ်ႇၵင်ႈၵၢင်ႁၢဝ်

ၸဝ်ႈၸွမ်ၸိုင်ႈ Volodymyr Zelenskyy လၢတ်ႈဝႃႈ တီႈမိူင်းယူႇၶရဵၼ်း ဢၼ်လႆႈၺႃး ရတ်ႈသျႃးဢဝ် ဢဝ်မၢၵ်ႇပွႆႇသႂ်ႇယူႇၼၼ်ႉ လႆႈထူပ်းသၢႆငၢႆ မၢၵ်ႇမိသ်ႉသၢႆးလ် ဢၼ်ၵႅတ်ႇၵင်ႈၵၢင်ႁၢဝ်ၼၼ်ႉ ၸမ်တေမူတ်းယဝ်ႉ ဝႃႈၼႆ။ ပေႃးမိူၼ်ၼင်ႇ လိူၼ်ဢၼ်ပူၼ်ႉမႃးၼၼ်ႉ ပေႃးဝႃႈလႆႈထုၵ်ႇတိုၵ်းယူႇၵူႈဝၼ်းၼႆၸိုင် မၢၵ်ႇမိသ်ႉသၢႆးလ်ၼႆႉ တေၸၢင်ႈမူတ်းၵႂႃႇသေ သၢႆငၢႆမၼ်းၵေႃႈ ၸိူဝ်းပဵၼ်မိူင်းဢူၺ်းလီၶဝ် ႁူႉၸွမ်းယူႇ ၼႆ ၸဝ်ႈၸွမ်ၸိုင်ႈယူႇၶရဵၼ်း လႆႈမွၵ်ႇၵႂႃႇတီႈ လၢႆးၵၢၼ်ထၢမ်တွပ်ႇတီႈ ငဝ်းႁၢင်ႈသဵင်ယူႇၶရဵၼ်း ယူႇ။

ယွၼ်ႉပိူဝ်ႈဝႃႈ ၸိူဝ်းပဵၼ် ၵၢၼ်ငၢၼ်းၽလၢင်းၵၢၼ် ယူႇၶရဵၼ်း၊ ဝဵင်းၸိူဝ်းၼႆႉ ထုၵ်ႇတိုၵ်းဢမ်ႇထၢတ်ႇဢမ်ႇဝၢႆးယူႇလႄႈ ယူႇၶရဵၼ်း လႆႈယွၼ်းတၢင်းၸွႆႈထႅမ်ထိုင် ဢူၺ်းလီမၼ်း မီးမႃးယူႇ လၢႆလၢႆဝူင်ႈယဝ်ႉ။ ၸဝ်ႈၸွမ်ၸိုင်ႈ Zelenskyy လၢတ်ႈဝႃႈ ၵၢၼ်ၵႅတ်ႇၵင်ႈၵၢင်ႁၢဝ်ၼႆႉ ပေႃးဢဝ်တေႃႈလဵဝ်ဝႃႈ မၼ်းၵုမ်ႇထူၼ်ႈယူႇသေတႃႉ လႆႈဝူၼ်ႉဢွင်ႈတီႈ ဢၼ်တေလႆႈၵႅတ်ႇၵင်ႈပၼ်ၼၼ်ႉ ၼႆယဝ်ႉ။

တွၼ်ႈတႃႇ ၵႅတ်ႇၵင်ႈ မၢၵ်ႇမိသ်ႉသၢႆးလ် ရတ်ႈသျႃး ဢၼ်ႁွတ်ႈတီႈယိူင်းမၢႆ ၼႂ်းၶၢဝ်းတၢင်း လၢႆလၢႆမိတ်ႉၼၼ်ႉ လႄႈ မၢၵ်ႇမိသ်ႉသၢႆးလ် ႁၢႆႇပႃႇသူဝ်းၼိသ်ႉ ဢၼ်ၽႂ်းလိူဝ်သေသဵင် လၢႆလၢႆပုၼ်ႉၼၼ်ႉ ဢမႄႇရိၵၢၼ်ႇၶဝ် လႆႈပၼ် ၶိူင်ႈယိုဝ်းမၢၵ်ႇမိသ်ႉသၢႆးလ် Patriot ဝႆႉသေတႃႉ လူဝ်ႇထႅင်ႈမွၵ်ႈ 25 ၼႆႉ ဝႃႈၼႆယဝ်ႉ။ ၸဝ်ႈၸွမ်ၸိုင်ႈ Zelenskyy မွၵ်ႇလၢတ်ႈဝႃႈ လွင်ႈၸွႆႈထႅမ်ဢမႄႇရိၵၢၼ်ႇၼႆႉ မၼ်းလမ်ႇလွင်ႈတွၼ်ႈတႃႇ ၵၢၼ်ၵႅတ်ႇၵင်ႈယူႇၶရဵၼ်း တႄႉတႄႉဝႃႈဝႃႈလႄႈ လၢႆးၵၢၼ် ဢၼ်လုၵ်ႉတီႈ သၽႃးသေ ၵမ်ႉထႅမ်ပၼ်ၼၼ်ႉၵေႃႈ လႆႆႈမုင်ႈမွင်းတႃႇတေ ယိုၼ်ယၼ်ပၼ်ယူႇ ဝႃးၼႆယဝ်ႉ။ သင်ၸိူဝ်ႉဝႃႈ တၢင်းၸွႆႈထႅမ် ဢမႄႇရိၵၢၼ်ႇၼၼ်ႉ တေသွၼ်ႇဝႃႈပဵၼ် ငိုၼ်းၵူႈၼႆၵေႃႈ ပဵၼ်ဢၼ်တူဝ်ႈတၼ်း တႃႇႁပ်ႉၶၢမ်ႇၵႂႃႇယူႇ ဝႃႈၼႆယဝ်ႉ။

ငိူၼ်ႈငဝ်ႈတိုၼ်း

• VOA News. "Without aid, Ukraine may not be able to defend itself" — VOA News, April 6, 2024
• France 24. "Ukraine ‘will lose the war’ if US Congress withholds aid, Zelensky warns" — France 24, April 8, 2024
• VOA News. "လေကြောင်းရန် ကာကွယ်ရေး မစ်ဇိုင်းဒုံးတွေ ပြတ်လတ်မှာ ယူကရိန်းစိုးရိမ်" — VOA News, April 8, 2024