Wikinews

ယူႇၶရဵၼ်း ပိုၼ်ၽၢဝ်ႇဝႃႈ ၵုမ်းၵမ်လႆႈ ၼႃႈလိၼ် ဢၼ်ပဵၼ်ၶွင်ရတ်ႈသျႃး ၸမ် 1,300 လွၵ်းလၵ်း ၵမ.

ဝၼ်းပုတ်ႉ၊ ဢေႃးၵၢတ်ႉ 28၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ရတ်ႈသျႃး notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းရတ်ႈသျႃး
ႁူမ်ႈသၢင်ႈ!
ရတ်ႈသျႃး
ရတ်ႈသျႃး
ၸွမ်ပွင်ၸိုင်ႈ ယူႇၶရဵၼ်းလႄႈ ၸွမ်သိုၵ်းလူင် ဢူဝ်ႇလႅၵ်ႉသၼ်ႇတႃႇ သျိတ်ႉသၵီး (ၶႅပ်းႁၢင်ႈၵဝ်ႇ)

ၸွမ်သိုၵ်းလူင် Oleksandr Syrskyi ၽူႈၵွၼ်းတပ်ႉသိုၵ်း ယူႇၶရဵၼ်း လၢတ်ႈဝႃႈ မိူဝ်ႈဝၼ်းဢႃးတိတ်ႉၼၼ်ႉ တပ်ႉသိုၵ်းယူႇၶရဵၼ်းၶဝ် ၵုမ်းၵမ်လႆႈ ၼႃႈလိၼ် 1,300 လွၵ်းလၵ်းၵီႇလူဝ်ႇမီႇတႃႇ တီႈမိူင်းရတ်ႈသျႃးသေ ၵူၼ်းသိုၵ်းရတ်ႈသျႃး 594 ၵေႃႉ လႆႈထုၵ်ႇတိၺွပ်းဝႆႉ ဝႃႈၼႆယဝ်ႉ။

ၵဵဝ်ႇလူၺ်ႈလွင်ႈ ရတ်ႈသျႃး လုၵ်ႉဢဝ်တီႈ ၵၢင်ႁၢဝ်သေ တိုၵ်းယိုဝ်း ဝဵင်း Kiev ၼၼ်ႉသေ မိူဝ်ႈဝၼ်းၸၼ်ၼၼ်ႉ ၶုၼ်ၽွင်းၽၢႆႇၵႅတ်ႇၵင်ႈ မိူင်းယူႇၶရဵၼ်း လၢတ်ႈဝႃႈ ဢမ်ႇႁိုင်သင် တေၸႂ်ႉတိုဝ်း ၶိူင်ႈၵွင်ႈၵၢင်ႇ ဢၼ်ယိုဝ်းလႆႈ ၵႆၵႆ ဢၼ်မႂ်ႇ ဢၼ်ႁဵတ်းဢွၵ်ႇ တီႈမိူင်းယူႇၶရဵၼ်းၼၼ်ႉ ၼႆယဝ်ႉ။ ၶုၼ်ၽွင်းလူင် ၽၢႆႇၵႅတ်ႇၵင်ႈ Rustem Umerov ၵေႃႈ လၢတ်ႈဝႆႉ တီႈၼႃႈလိၵ်ႈ ၾဵတ်ႉပုၵ်ႉမၼ်းဝႃႈ မၼ်းတူဝ်ႈတၼ်းဝႆႉ တႃႇတေတုမ်ႉတွပ်ႇ လူၺ်ႈ ၶိူင်ႈၵွင်ႈၵၢင်ႇမႂ်ႇၼႆႉ ၼႆယဝ်ႉ။ ၵွင်ႈဢၼ်ၼႆႉ ၸိုဝ်ႈမၼ်းဝႃႈ ပႃႇလီႇယႃႇၼိတ်ႉသျႃး ၼႆသေ မၼ်းၸၢင်ႈယိုဝ်းလႆႈ 700 ၵီႇလူဝ်ႇမီႇတႃႇ၊ မၼ်းၸၢင်ႈယိုဝ်းလႆႈ 430 လၵ်း ၼႆ ၶႅပ်းႁၢင်ႈသိုၵ်း ယူႇၶရဵၼ်း ဢွၵ်ႇဝႆႉၼင်ႇၼႆ။

ၸွမ်ပွင်ၸိုင်ႈ ယူႇၶရဵၼ်း ဝေႃႇလေႃႇတီးမႃးရ် ၸႄးလႅၼ်းသၵီး လၢတ်ႈမိူဝ်ႈဝၼ်းဢႃးတိတ်ႉ လွင်ႈၵွင်ႈၵၢင်ႇ ယူႇၶရဵၼ်း ဢၼ်ဢဝ် ပၢႆးၸၢင်ႈ မၢၵ်ႇၼူၾႆး လႄႈ ႁိူဝ်းမိၼ် ဢမ်ႇပႃးၵူၼ်း ႁူမ်ႈၵၼ်ၼၼ်ႉ ၼႆယဝ်ႉ။ ဢမႄႇရိၵၢၼ်ႇလႄႈ ၸုမ်းဢူၺ်းလီ မိူင်းဝၼ်းတူၵ်းၶဝ် ပၼ်ဝႆႉ မၢၵ်ႇၼူၾႆး ယိုဝ်းၵႆ တီႈမိူင်းယူႇၶရဵၼ်းသေ ႁၢမ်ႈတၢပ်ႈ ဢမ်ႇႁႂ်ႈယိုဝ်းသႂ်ႇ ရတ်ႈသျႃးၼႆသေတႃႉ ယၢမ်းလဵဝ်တႄႉ လုၵ်ႉတီႈ မိူင်းယူႇၶရဵၼ်းသေ တေယိုဝ်းလႆႈယူႇ။


ငိူၼ်ႈငဝ်ႈၶၢဝ်ႇ

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=ယူႇၶရဵၼ်း_ပိုၼ်ၽၢဝ်ႇဝႃႈ_ၵုမ်းၵမ်လႆႈ_ၼႃႈလိၼ်_ဢၼ်ပဵၼ်ၶွင်ရတ်ႈသျႃး_ၸမ်_1,300_လွၵ်းလၵ်း_ၵမ.&oldid=2414"