ယွၼ်ႉရတ်ႈသျႃးၶဝ် ပိုတ်းယိုဝ်းလႄႈ ၵူၼ်းတၢႆ တီႈယူႇၶရဵၼ်း ဢမ်ႇယွမ်း 37 ၵေႃႉ
ဝၼ်းပုတ်ႉ၊ ၸူႇလၢႆႇ 10၊ 2024
.jpg)
ဝၢႆးသေ ရတ်ႈသျႃး ပွႆႇမၢၵ်ႇၼူၾႆး တီႈယူႇၶရဵၼ်း မိူဝ်ႈဝႃးယဝ်ႉၼၼ်ႉ ၵူၼ်းတၢႆ ဢမ်ႇယွမ်း 37 ၵေႃႉသေ ၵူၼ်းမၢတ်ႇၸဵပ်း မီး 170 ၵေႃႉလိူဝ်ယဝ်ႉ။ ၵဵဝ်ႇၵပ်းလွင်ႈၼႆႉသေ တီႈၶွင်ႇသီႇႁူမ်ႇလူမ်ႈ ၸုမ်းၸၢတ်ႈၸိုင်ႈလုမ်ႈၾႃႉ မီးတႃႇႁွင်ႉ ပၢင်ၵုမ်ၶိုၵ်ႉၶၵ်ႉသေ ယူႇၶရဵၼ်းၵေႃႈ ပိုၼ်ၽၢဝ်ႇဝႃႈ ဝၼ်းမိူဝ်ႈၼႆႉ ပဵၼ်ဝၼ်းမွင်ၸႂ်ၼႆယဝ်ႉ။ မိူဝ်ႈၵၢင်ဝၼ်း ၸူႇလၢႆႇ 8 ဝၼ်းၼၼ်ႉ ဢၼ်ပဵၼ် ႁူင်းယႃလုၵ်ႈဢွၼ်ႇ ဢၼ်မီးတီႈဝဵင်းၶိပ်ႉၾ်ၼၼ်ႉၵေႃႈ ၶဝ်ႈပႃးၼႂ်း ဢၼ်ရတ်ႈသျႃး ယိုဝ်းမၢၵ်ႇၼူၾႆးသႂ်ႇ ဢမ်ႇထၢတ်ႇဢမ်ႇဝၢႆးၼၼ်ႉယူႇ။
ၽူႈၵွၼ်းဝဵင်း ဝီႇတႃႇလီႇ ၶလိတ်ႉသျူဝ်ႇ လၢတ်ႈဝႃႈ ပဵၼ်လွင်ႈဢၼ် ႁၢႆႉၸႃႉလိူဝ်ပိူၼ်ႈ ၼႂ်းပၢင်တိုၵ်း တီႈမိူင်းယူႇၶရဵၼ်းၼႆယဝ်ႉ။ မိူဝ်ႈဝႃးၼႆႉ ၸွမ်ပွင်ၸိုင်ႈ ယူႇၶရဵၼ်း ဝေႃႇလေႃႇတီးမႃးရ် ၸႄးလႅၼ်းသၵီး လၢတ်ႈဝႃႈ “လွင်ႈၼႆႉ ၸုမ်းၵေႃႇၵၢၼ်ႁၢႆႉ ရတ်ႈသျႃး တေလႆႈဢဝ်ပုၼ်ႈၽွၼ်း ၼႆယဝ်ႉ။ လွင်ႈဢၼ် ၵူႈမိူင်းမိူင်းလၢတ်ႈဝႃႈ ပဵၼ်ဢၼ်ၸႂ်ဢမ်ႇလီၸွမ်းဢၼ်ၼဝႃႈၼႆႉ မၼ်း ဢမ်ႇၸႂ်ႈ ၶိူင်ႈၵွင်ႈၵၢင်ႇ ဢၼ်တေၸၢင်ႈ တိုၵ်းၶိုၼ်း ရတ်ႈသျႃး။ ၸွမ်ပွင်ၸိုင်ႈ ၸႄးလႅၼ်းသၵီး ၵေႃႈလၢတ်ႈဝႃႈ လွင်ႈဢၼ်လူဝ်ႇၼႆႉ ပဵၼ် ၶိူင်ႈၵွင်ႈၵၢင်ႇ တႃႇယိုဝ်းတူၵ်း မၢၵ်ႇၼူၾႆး လႄႈ တႃႇယႃႉလႅဝ် ႁိူဝ်းမိၼ်တိုၵ်း ရတ်ႈသျႃးသေ တေလႆႈတုမ်ႉတွပ်ႇၶိုၼ်း ႁၢဝ်ႈႁၢဝ်ႈႁႅင်းႁႅင်း ၼႆယဝ်ႉ။
လုမ်ႈၾႃႉၼႆႉ မီးၼမ်ႉၵတ်ႉ တႃႇၸွႆႈထႅမ် မိူင်းယူႇၶရဵၼ်း ၸွမ်းၼင်ႇ ဢၼ်မၼ်းလူဝ်ႇၼၼ်ႉ တဵမ်ထူၼ်ႈယူႇ။ ၸွမ်ပွင်ၸိုင်ႈ ၸႄးလႅၼ်းသၵီး လၢတ်ႈဝႃႈ တီႈ ပၢင်ၵုမ်လူင် ၸုမ်းဢူၺ်းလီ ၼေႇတူဝ်း ဢၼ်တေၸတ်းႁဵတ်းတီႈ ဝႃႇသျိၼ်ႇတၢၼ်ႇ မိူဝ်ႈၼႆႉၼၼ်ႉ ၶဝ်ထုၵ်ႇလီ တႅပ်းတတ်း တႃႇတေၸွႆႈထႅမ် ႁႂ်ႈဝႆးဝႆး ၼႆယဝ်ႉ။ ၸွမ်ပွင်ၸိုင်ႈဢမေႇရိၵၢၼ်ႇ ၵျူဝ်းၿၢႆႇတႅၼ်ႇ လၢတ်ႈဝႃႈ လွင်ႈဢၼ် ရတ်ႈသျႃး ႁဵတ်းလွင်ႈႁၢႆႉၸႃႉ ၼႆသေ လၢတ်ႈဝႃႈ တေသိုပ်ႇၸွႆႈထႅမ်ပၼ် မိူင်းယူႇၶရဵၼ်းယူႇ ၼႆယဝ်ႉ။
မၼ်းတေပိုၼ်ၽၢဝ်ႇ ၶေႃႈၸီႉသင်ႇမႂ်ႇ တႃႇတေႁဵတ်းႁႂ်ႈ တပ်ႉၵၢင်ႁၢဝ် မိူင်းယူႇၶရဵၼ်း ၵႅၼ်ႇၶႅင် တႃႇတေၵႅတ်ႇၶႄ ၵူၼ်းမိူင်းယူႇၶရဵၼ်း တီႈဢၼ် ရတ်ႈသျႃးၶဝ် မႃးယိုဝ်းၼၼ်ႉ ၼႆယဝ်ႉ။ ၸွမ်ပွင်ၸိုင်ႈ ၿၢႆႇတႅၼ်ႇ ဢွၵ်ႇၶေႃႈပိုၼ်ၽၢဝ်ႇ မိူဝ်ႈဝၢႆးဝၼ်း မိူဝ်ႈဝၼ်းၸၼ်ၼၼ်ႉဝႃႈ ဢမေႇရိၵၢၼ်ႇ ၸုၵ်းၸွမ်း ၵူၼ်းမိူင်းယူႇၶရဵၼ်းၼႆယဝ်ႉ။
ငိူၼ်ႈငဝ်ႈၶၢဝ်ႇ
မႄးထတ်း- Lisa Schlein. "Hundreds of Ukrainian children evacuated from hospital hit by Russian missile" — VOA News, July 9, 2024
- Rob Corp & Kyla Herrmannsen. "Children's hospital hit as Russian strikes kill dozens in Ukraine" — BBC News, July 9, 2024
- Samya Kullab and Illia Novikov. "Ukraine mourns as rescuers search the rubble of a Kyiv children’s hospital struck by a missile" — AP News, July 10, 2024
- Olena Harmash and Max Hunder. "Russian missile attacks kill at least 41, hit children's hospital, Ukraine says" — Reuters, July 9, 2024
- Francesca Ebel, Anastacia Galouchka and Rachel Pannett. "U.S. to provide more air defenses after missile strike on Kyiv children’s hospital" — The Washington Post, July 9, 2024
- Associated Press. "Kyiv Mourns as Rescuers Make Last-Ditch Efforts at Children’s Hospital Hit by Russian Missile" — The Times, July 9, 2024
