ဝီႇၶီႇၶၢဝ်ႇ

ယွၼ်ႉ ၵူၼ်းယိပ်းၵွင်ႈလႄႈ မုၼ်ၸဝ်ႈၶရိတ်ႉယၢၼ်ႇ 1 ပႃး ပလိၵ်ႈ 15 ၵေႃႉ လႆႈတၢႆ တီႈ ရတ်ႈသျႃး

ဝၼ်းၸၼ်၊ ၸုၼ်ႇ 24၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ရတ်ႈသျႃး notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းရတ်ႈသျႃး
ႁူမ်ႈသၢင်ႈ!
ရတ်ႈသျႃး
ရတ်ႈသျႃး
ဝဵင်းတၵႅသ်ႉသတၼ်ႇ မိူင်းရတ်ႈသျႃး

ၸဝ်ႈၼႃႈတီႈလၢတ်ႈဝႃႈ မိူဝ်ႈဝၼ်းတိတ်ႉ ၼၼ်ႉ ၵူၼ်းယိပ်းၵွင်ႈၵၢင်ႇ လႆႈၶဝ် ယိုဝ်းတီႈ ႁူင်းပလိၵ်ႈဢၼ်ၼိုင်ႈ တင်း ၵျွင်းၽြႃးၶရိတ်ႉယၢၼ်ႇ Orthodox ၵျွင်းၼိုင်ႈ ဢၼ်မီးတီႈ ဝဵင်းတၵႅသ်ႉသတၼ်ႇ တီႈထုင်ႇ ၵၢပ်ႉၾ်ၵၢသ်ႉ တီႈ ပွတ်းႁွင်ႇ မိူင်းရတ်ႈသျႃးၼၼ်ႉလႄႈ မုၼ်ႈၸဝ်ႈၶရိတ်ႉယၢၼ်ႇ ဢေႃတူဝ်တွၵ်ႉသ် ပႃးၼိုင်ႈ လႄႈ ပလိၵ်ႈ ဢမ်ႇယွမ်း 15 ၵေႃႉ လႆႈတၢႆၵႂႃႇ ဝႃႈၼႆယဝ်ႉ။ Sergei Melikov ဢၼ်ပဵၼ် ၸဝ်ႈၼႃႈတီႈ ထုင်ႉတၵႅသ်ႉသတၼ်ႇ ပိုၼ်ၽၢဝ်ႇတီႈ သိုဝ်ႇသၢၼ်တူင်ႇၵူၼ်း တႄႇလီႇၵရမ်ႇဝႃႈ ပဵၼ်ဝၼ်းလႆႈမွင်ၸႂ် တွၼ်ႈတႃႇ ဝဵင်းတၵႅသ်ႉသတၼ်ႇ လႄႈ ၸႄႈဝဵင်းတင်းမူတ်း ဝႃႈၼႆယဝ်ႉ။

မိူဝ်ႈပူၼ်ႉမႃးသၢမ်လိူၼ်ၼၼ်ႉၵေႃႈ ယွၼ်ႉပိူဝ်ႈ ၸုမ်းပႅၼ်ပႄႈဢိသလၢမ်ၶဝ် လႆႈၶဝ်ႈတိုၵ်း ႁူင်းၸၢတ်ႈ တီႈႁိမ်းဝဵင်းမေႃႉသ်ၵူဝ်ႇၼၼ်ႉလႄႈ ၵူၼ်းလႆႈတၢႆမႃး 145 ၵေႃႉသေ လွင်ႈတိုၵ်းတေႃး ၶိုၼ်းပဵၼ်မႃးထႅင်ႈ မိူဝ်ႈဝႃးၼၼ်ႉယဝ်ႉ။ လွင်ႈတိုၵ်းတေႃးၼႆႉ မၼ်းပဵၼ် ဢၼ်ႁၢင်ႈႁႅၼ်းဝႆႉလူင်ႈၼႃႈ မိူဝ်ႈၶၢဝ်းယၢမ်းလဵဝ်ၵၼ် တီႈဝဵင်း Makhachkala လႄႈ Derbent ၼၼ်ႉယဝ်ႉ။

လွင်ႈတိုၵ်းတေႃး ဢၼ်ပဵၼ်ၵႂႃႇမိူဝ်ႈဝႃႈ တီႈထုင်ႉ ပွတ်းႁွင်ႇ ၵၢပ်ႉၾ်ၵၢသ်ႉ ဢၼ်ဢမ်ႇမီးလွင်ႈၼိမ်သဝ်း ဢၼ်ၵႆႉၵႆႉမီး ပၢင်တိုၵ်းၼၼ်ႉ ပႆႇႁၼ်မီး ၶေႃႈပိုၼ်ၽၢဝ်ႇဝႃႈ ပဵၼ်ႁွႆးမိုဝ်း ၸုမ်းလႂ်ႁဵတ်းၵႂႃႇ ဢၼ်ဝႃႈၼၼ်ႉ။ ၵူၺ်းၵႃႈဝႃႈ ၸဝ်ႈၼႃႈတီႈ Sergei Melikov လၢတ်ႈမႃးဝႃႈတႄႉ ႁဝ်းၶႃႈႁူႉယူႇဝႃႈ ပဵၼ်ႁွႆးမိုဝ်းၽႂ်၊ ယွၼ်ႉပိူဝ်ႈသင်လႄႈ တိုၵ်းတေႃး ဝႃႈၼႆသေတႃႉ လွင်ႈတၢင်းႁူဝ်ယွႆႈမၼ်းတႄႉ ဢမ်ႇလႆႈ လၢတ်ႈဢွၵ်ႇမႃးၼင်ႇၵဝ်ႇ။

ၽူႈၵွၼ်းဝဵင်း လၢတ်ႈဝႃႈတႄႉ ၼႂ်းၵႃႈ ၵူၼ်းလႆႈတၢႆၵႂႃႇၼၼ်ႉ ၶဝ်ႈပႃး ပလိၵ်ႈ ဢိၵ်ႇတင်း ၵူၼ်းမိူင်းတင်းၼမ် ဝႃႈၼႆယဝ်ႉ။ မုၼ်ၸဝ်ႈၶရိတ်ႉယၢၼ်ႇ ဢေႃတူဝ်တွၵ်ႉသ် ဢၼ်လႆႈတၢႆၵႂႃႇၼၼ်ႉၵေႃႈ ပဵၼ်မုၼ်ၸဝ်ႈ ဢၼ်ယူႇတီႈ ဝဵင်းတႃးပီးယႅၼ်ႉမႃး မီးၶၢဝ်းတၢင်ႈ မွၵ်ႈ 40 ပီယဝ်ႉ ဝႃႈၼႆ။


ငိူၼ်ႈငဝ်ႈၶၢဝ်ႇ

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=ယွၼ်ႉ_ၵူၼ်းယိပ်းၵွင်ႈလႄႈ_မုၼ်ၸဝ်ႈၶရိတ်ႉယၢၼ်ႇ_1_ပႃး_ပလိၵ်ႈ_15_ၵေႃႉ_လႆႈတၢႆ_တီႈ_ရတ်ႈသျႃး&oldid=2509"