ဝီႇၶီႇၶၢဝ်ႇ

ရတ်ႈသျႃး ယုမ်ႇယမ်ဝႃႈ ၵူၼ်းတိုၵ်းတေႃး တီႈ မွတ်ႉသ်ၵူဝ်ႇ တေပၢႆႈၵႂႃႇၽၢႆႇ ယူႇၶရဵၼ်း

ဝၼ်းဢႃးတိတ်ႉ၊ မၢတ်ႉၶျ် 24၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ရတ်ႈသျႃး notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းရတ်ႈသျႃး
ႁူမ်ႈသၢင်ႈ!
ရတ်ႈသျႃး
ရတ်ႈသျႃး
ၸွမ်ၸိုင်ႈ ပူႇထိၼ်ႇ မွၵ်ႇလၢတ်ႈၶေႃႈၵႂၢမ်း ၵဵဝ်ႇၵူၺ်း ႁူင်းႁေႃဝဵင်းၶရူဝ်ႇၵတ်ႉသ်

ၵူၼ်းၸိူဝ်းလီထၢင်ႇထိူမ်သီႇၵေႃႉ ဢၼ်ၶဝ်ႈပႃးတီႈ လွင်ႈတိုၵ်းတေႃး တီႈ ပၢင်ပွႆး တီႈ လႅၼ်ဝဵင်းမွတ်ႉသ်ၵူဝ်ႇ ဢၼ်ၵူၼ်းလႆႈတၢႆၵႂႃႇ ဢမ်ႇယွမ်း 133 ၵေႃႉၼၼ်ႉ လႆႈယုမ်ႇယမ်ဝႃႈ ၶဝ်ႈဢၢင်ႈလႅၼ်ႈပၢႆႈၵႂႃႇ ၽၢႆႇမိူင်းယူႇၶရဵၼ်းသေ တိၺွပ်းၶဝ်လႆႈဝႆႉယဝ်ႉၼႆ ၸွမ်ၸိုင်ႈပူႇထိၼ်ႇ လႆႈမွၵ်ႇလၢတ်ႈ တီႈ ၶေႃႈမွၵ်ႇလၢတ်ႈၸူး ၸိုင်ႈမိူင်းမၼ်းၼၼ်ႉယူႇ။ တိၺွပ်းၶဝ်လႆႈ ၽွင်းမိူဝ်ႈၶဝ် ၶတ်းၸႂ် တႃႇဢွၵ်ႇပၢႆႈ တီႈ “သဵၼ်ႈတၢင်းဢွၵ်ႇပၢႆႈ“ ဢၼ်ႁၢင်ႈႁႅၼ်းဝႆႉတႃႇၶဝ် တီႈ ၽၢႆႇပွတ်း ယူႇၶရဵၼ်းၼၼ်ႉ ဝႃႈၼႆယဝ်ႉ။ ၵူၺ်းၵႃႈဝႃႈ ၽၢႆႇယူႇၶရဵၼ်းတႄႉ လႆႈထဵင်ဝႆႉဝႃႈ ၶဝ်ဢမ်ႇလႆႈၶဝ်ႈၵဵဝ်ႇပႃးတီႈ လွင်ႈတိုၵ်းတေႃးဢၼ်ၼႆႉ ဝႃႈၼႆယဝ်ႉ။

တႅၼ်းၽွင်းသၽႃးၵမ်ႈၽွင်ႈတႄႉ ဝၢႆးသေ ပဵၼ်လွင်ႈတိုၵ်းတေႃးယဝ်ႉၵေႃႈ လႆႈဢဝ်မိုဝ်းၸီႉယူႇၶရဵၼ်းသေ တၢင်ႇတၢင်းၽိတ်းမႃးယဝ်ႉ။ Mykhailo Podolyak ဢၼ်ပဵၼ် ၽူႈပၼ်တၢင်းၶႆႈၸႂ် ၸွမ်ၸိုင်ႈယူႇၶရဵၼ်း ဝလူဝ်ႇတီႇမီႇယႃႇ ၸႄႇလၼ်ႇသၵီး တႅမ်ႈတၢင်ႇဝႆႉတီႈ သိုဝ်ႇသၢၼ်တူင်ႇၵူၼ်း X မၼ်းဝႃႈဝႆႉတႄႉ လွင်ႈၸိူဝ်းၼႆႉ ဢမ်ႇမီးလွင်ႈၵွင်ႉၵၢႆႇသင်တင်းၶဝ်သေ "ယူႇၶရဵၼ်းၼႆႉ တိုၼ်းဝႃႈ ဢမ်ႇယိပ်းၵမ်မႃး လွၵ်းလၢႆးၵေႃႇၵၢၼ်ႁၢႆႉ သေပွၵ်ႈ" လႄႈ "ၶေႃႈတွပ်ႇပၢင်တိုၵ်းၼႆႉ တေတႅပ်းတတ်းၼႂ်း ပၢင်တိုၵ်းၵႂႃႇၵူၺ်း" ဝႃႈၼႆယဝ်ႉ။ ထၢၼ်ၽွင်းလူင်ၵၢၼ်ၼွၵ်ႈမိူင်းယူႇၶရဵၼ်းၵေႃႈ ၶိုၼ်းမၢပ်ႇလၢတ်ႈဝႃႈ ၼႆႉ မၼ်းပဵၼ် လွင်ႈရတ်ႈသျႃး ၶတ်းၸႂ် တႃႇႁႂ်ႈ ပၢင်တိုၵ်းႁၢဝ်ႈႁႅင်းမႃးထႅင်ႈ ဝႃႈၼႆယဝ်ႉ။

ၸုမ်း ၵဵဵဝ်ႇၵပ်း IS ဢၼ်ပၵ်းတီႈ ဢႃႇၾၵၢၼ်ႇၼီႇသတၢၼ်ႇ ၼၼ်ႉ ၶဝ်ပိုၼ်ၽၢဝ်ႇတီႈၼိူဝ် သိုဝ်ႇသၢၼ်တူင်ႇၵူၼ်းဝႃႈ လွင်ႈတိုၵ်းတေႃး ဝၼ်းသုၵ်းၼၼ်ႉ ပဵၼ်ႁွႆးမိုဝ်းၶဝ် ဝႃႈၼႆယဝ်ႉ။ ၸဝ်ႈၼႃႈတီႈ ၽၢႆႇၸွပ်ႇဢမႄႇရိၵၢၼ်ႇ လႆႈမွၵ်ႇၸူး ထၢၼ်ၶၢဝ်ႇဢေႇပီႇဝႃႈ ဢေႇၵျႅၼ်ႇၸီႇဢမႄႇရိၵၢၼ်ႇ လႆႈယိုၼ်ယၼ်ဝႆႉဝႃႈ လွင်ႈတိုၵ်းတေႃးဢၼ်ၼႆႉ တီႈ IS ၶဝ် မီးပုၼ်ႈၽွၼ်း ဝႃႈၼႆယဝ်ႉ။

ၸွမ်ၸိုင်ႈပူႇထိၼ်ႇ မွၵ်ႇလၢတ်ႈ တီႈၼႂ်းၶေႃႈမွၵ်ႇလၢတ်ႈဝၼ်းသဝ်ၼၼ်ႉဝႃႈ တီႈလွင်ႈတိုၵ်းတေႃးၼၼ်ႉ ၸဝ်ႈၼႃႈတီႈၶဝ် တိၺွပ်းလႆႈဝႆႉ ၵူၼ်း 11 ၵေႃႉသေ ၵူၼ်းၸိူဝ်းပႃး ပၢင်လဝ်ႇမူၼ်ႈၼၼ်ႉ လႆႈတၢင်းၸဵပ်းမၢတ်ႇတင်းၼမ်သေ ႁူင်းႁေႃလူင်ၼၼ်ႉၵေႃႈ ၽႆးလႆႈမႆႈလူႉလႅဝ်ၵႂႃႇ ဝႃႈၼႆယဝ်ႉ။ မၼ်းမၢႆထိုင်ဝႃႈ ၼႆႉ "ပဵၼ်လွင်ႈႁဵတ်းသၢင်ႈ ဢၼ်ႁုၵ်းႁၢႆႉၸႃႉ" ဝႃႈၼႆသေ တီႈၼႂ်းမိူင်းပတ်ႉပိုၼ်ႉၵေႃႈ တိူဝ်းတမ်းဝႆႉ လွင်ႈႁူမ်ႇလူမ်ႈသေ လႆႈပိုၼ်ၽၢဝ်ႇဝႃႈ ဝၼ်းဢႃးတိတ်ႉၼႆႉ ပဵၼ်ဝၼ်းၶေႃးၶူမ် ဝႃႈၼႆယဝ်ႉ။ မိူဝ်ႈဝၼ်းသဝ်ၼၼ်ႉတႄႉ ၽူႈၵူတ်ႇထတ်းၶဝ် တိုၵ်ႉၶူၼ်ႉႁႃၵူတ်ႇထတ်း ၼႂ်းႁူင်းႁေႃ ၸိူဝ်းဢၼ်ၽႆးမႆႈယူႇၼၼ်ႉလႄႈ ႁူဝ်ၼပ်ႉၵူၼ်းတၢႆၼႆႉ တေၸၢင်ႈတိူဝ်းမႃးထႅင်ႈယူႇၼႆ ၽၢႆႇၸဝ်ႈၼႃႈတီႈရတ်ႈသျႃးၶဝ် လႆႈမွၵ်ႇလၢတ်ႈဝႆႉယူႇ။


ငိူၼ်ႈငဝ်ႈတိုၼ်း

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=ရတ်ႈသျႃး_ယုမ်ႇယမ်ဝႃႈ_ၵူၼ်းတိုၵ်းတေႃး_တီႈ_မွတ်ႉသ်ၵူဝ်ႇ_တေပၢႆႈၵႂႃႇၽၢႆႇ_ယူႇၶရဵၼ်း&oldid=2642"