ဝီႇၶီႇၶၢဝ်ႇ

လုၵ်ႈၸုမ်းမႂ်ႇ သုၺ်ႇတိၼ်ႇ လႄႈ ၾိၼ်ႇလႅၼ်ႇ ၶဝ်ႈပႃးမႃးၼႂ်း လွင်ႈၽိုၵ်းၵၢၼ်သိုၵ်း NATO

ဝၼ်းဢႃးတိတ်ႉ၊ မၢတ်ႉၶျ် 10၊ 2024

ၶၢဝ်ႇ ၸိူဝ်းၵဵဝ်ႇၵပ်း
ၼေႇတူဝ်း တီႈ ဝီႇၶီႇၶၢဝ်ႇ

{{{1}}}

ၸွႆႈသၢင်ႈ!

သုၺ်ႇတိၼ်ႇ ဢၼ်တိုၵ်ႉၶဝ်ႈပဵၼ် လုၵ်ႈၸုမ်း ၸုမ်းဢူၺ်းလီ NATO ၼႆႉ တင်း ၾႅၼ်ႇလႅၼ်ႇ ဢၼ်ပဵၼ်မႃး လုၵ်ႈၸုမ်းမႂ်ႇ ၼင်ႇမၼ်းၼၼ်ႉသေ လႆႈႁူမ်ႈၵၼ် ၶဝ်ႈပႃးတီႈ လွင်ႈႁူမ်ႈၵၼ်ၽိုၵ်းၵၢၼ်သိုၵ်းယႂ်ႇသုတ်း ၶွင် NATO ဝၢႆးသေ သိုၵ်းၵမ်ႇၽႃႇပွၵ်ႈသွင် ဢၼ်ႁဵတ်းတီႈ ထုင်ႉၼွတ်ႉတိၵ်ႉၼၼ်ႉယဝ်ႉ။

တီႈ လွင်ႈၽိုၵ်းၵၢၼ်သိုၵ်း ဢၼ်ပဵၼ်တွၼ်ႈတႃႇ ထုင်ႉ မိူင်းၼွတ်ႉတိၵ်ႉ ၸိူဝ်းပဵၼ် တႅၼ်းမၢၵ်ႈ၊ ၼေႃႇဝူၺ်း၊ သုၺ်ႇတိၼ်ႇ၊ ၾိၼ်ႇလႅၼ်ႇ လႄႈ ဢၢႆးသလႅၼ်ႇ ဢၼ်ႁွင်ႉဝႃႈ Nordic Response ၼၼ်ႉ လႆႈတႄႇႁဵတ်း မိူဝ်ႈဝၼ်းၽတ်းၼၼ်ႉသေ လုၵ်ႉတီႈ မိူင်း 13 မိူင်း ႁႅင်းသိုၵ်း 2 မိုၼ်ပၢႆၼႆႉ ဢွၼ်ၵၼ်ၽိုၵ်းတီႈ ၾိၼ်ႇလႅၼ်ႇ လႄႈ မိူင်းၼေႃႇဝူၺ်း ၼၼ်ႉယဝ်ႉ။

ၵူၼ်းသိုၵ်း တီႈ သုၺ်ႇတိၼ်ႇ တေၶဝ်ႈပႃး 4500 ၼႆ ၽွင်းလူင်ၵၢၼ်ၵႅတ်ႇၵင်ႈသုၺ်ႇတိၼ်ႇ Pal Jonson လႆႈတႅမ်ႈဝႆႉတီႈ သိုဝ်ႇသၢၼ်တူင်ႇၵူၼ်း X ၼၼ်ႉယူႇ။ တီႈလွင်ႈၽိုၵ်းၵၢၼ်သိုၵ်း ဢၼ်ႁိုင် 3 ဝၼ်း ဢၼ်ႁဵတ်း တီႈထုင်ႉပၢင်ႇၼမ်ႉၶႅင် ဢၼ်ရႃႇသီႇဢုတုၵတ်းၼၼ်ႉ ၵူၼ်းသိုၵ်း ၾိၼ်ႇလႅၼ်ႇ လႄႈ ၼေႃႇဝူၺ်းၶဝ် လႆႈႁူမ်ႈပႃးၽိုၵ်းၵၢၼ်သိုၵ်းသေ ႁႅင်းၶိုၵ်ႉတွၼ်း သုၺ်ႇတိၼ်ႇ-ၼေႃႇဝူၺ်း လႄႈ ၾိၼ်ႇလႅၼ်ႇ မိူင်းသၢမ်မိူင်းၼႆႉ မၼ်းပဵၼ် ဢၼ်လမ်ႇလွင်ႈ တႃႇထႅင်ႈႁႅင်းပၼ်တီႈ ၸုမ်း NATO ဝႃႈၼႆယဝ်ႉ။

တီႈပၢင်ၸႅင်ႈၶၢဝ်ႇ ၽွင်းလူင်ၽၢႆႇၵႅတ်ႇၵင်ႈ မိူင်းသၢမ်မိူင်း ဢၼ်လႆႈၸတ်းႁဵတ်းၵႂႃႇ မိူဝ်ႈဝၼ်းသဝ်ၼၼ်ႉ ၽွင်းလူင်ၽၢႆႇၵႅတ်ႇၵင်ႈ ၼေႃႇဝူၺ်း လႆႈ မွၵ်ႇလၢတ်ႈၵႂႃႇဝႃႈ ၼႆႉ လႆႈၼႄဝႃႈ မိူင်းၼွတ်ႉတိၵ်ႉၼႆႉ မီးၼမ်ႉၵတ်ႉ တႃႇႁူမ်ႈၵၼ် ႁဵတ်းသၢင်ႈ တီႈသိုင်ႇဝႅတ်ႉလွမ်ႉ ဢၼ်မီးလွင်ႈၶဵင်ႇတယႂ်ႇလူင် ၼၼ်ႉယူႇ ဝႃႈၼႆယဝ်ႉ။ တီႈလွင်ႈၽိုၵ်းၵၢၼ်သိုၵ်း လွင်ႈတုမ်ႉတွပ်ႇၼွတ်ႉတိၵ်ႉၼၼ်ႉ ပဵၼ်ပွတ်းတွၼ်ႈဢၼ်ၼိုင်ႈ ၶွင် လွင်ႈၽိုၵ်းၵၢၼ်သိုၵ်း NATO ဢၼ်ႁႅင်းၵူၼ်းသိုၵ်း ၶဝ်ႈပႃး မွၵ်ႈၵဝ်ႈမိုၼ်ႇ ၼၼ်ႉယဝ်ႉ။ လွင်ႈႁူမ်ႈၵၼ်ၽိုၵ်းၵၢၼ်သိုၵ်းဢၼ်ၼႆႉ လႆႈတႄႇမႃး ၸဵမ်မိူဝ်ႈ လိူၼ်ၸၼ်ႇဝႃႇရီႇၼၼ်ႉသေ တေ သိုပ်ႇၽိုၵ်းၵၢၼ်သိုၵ်းၵႂႃႇတီႈၼႂ်း ယူးရူပ်ႉပတ်းပိုၼ်ႉ ႁၢၼ်ႉတေႃႇထိုင် လိူၼ်မေႇ ဝႃႈၼႆယဝ်ႉ။


ငိူၼ်ႈငဝ်ႈတိုၼ်း

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=လုၵ်ႈၸုမ်းမႂ်ႇ_သုၺ်ႇတိၼ်ႇ_လႄႈ_ၾိၼ်ႇလႅၼ်ႇ_ၶဝ်ႈပႃးမႃးၼႂ်း_လွင်ႈၽိုၵ်းၵၢၼ်သိုၵ်း_NATO&oldid=2795"