ဝီႇၶီႇၶၢဝ်ႇ

လွင်ႈပိုတ်းယိုဝ်း မိူဝ်ႈတိုၵ်ႉၽႄပၼ်တၢင်းၸွႆႈထႅမ် ပႃးလဵတ်ႈသတၢႆး တၢႆ ဢမ်ႇယွမ်း 103 ၵေႃႉ

ဝၼ်းသုၵ်း၊ မၢတ်ႉၶျ် 1၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=လွင်ႈသုၵ်ႉယုင်ႈ ဢိတ်ႇသရေး/ပႃးလဵတ်ႈသတၢႆး notcategory=disputed notcategory=no publish namespace=Main addfirstcategorydate=true count=5 </dynamicpagelist>

မိၵ်ႈမၢႆ လွင်ႈငမ်းယဵၼ် ၼႂ်းၵႄႈ ဢိတ်ႇသရေး လႄႈ ပႃးလဵတ်ႈသတၢႆး
ႁူမ်ႈသၢင်ႈ!

ယွၼ်ႉပိူဝ်ႈ တပ်ႉဢိတ်ႇသရေး လႆႈပိုတ်ႇယိုဝ်း လႄႈ ပႃးလဵတ်ႈသတၢႆး ၸိူဝ်းဢၼ် ၵႂႃႇဢဝ်တၢင်းၵိၼ်တၢင်းယႅမ်ႉ တီႈ လူတ်ႉထရၵ်ႉ ဢၼ်ၽႄပၼ်တၢင်းၸွႆႈထႅမ် တီႈၵႃႇၸႃႇၼၼ်ႉလႄႈ မီးလွင်ႈလူႉတၢႆ ဢမ်ႇယွမ်း 104 ၵေႃႉ ဝႃႈၼႆယဝ်ႉ။ ယွၼ်ႉပိူဝ်ႈသင်လႄႈ လႆႈပိုတ်ႇယိုဝ်းဢၼ်ဝႃႈၼၼ်ႉတႄႉ ပႆႇလႆႈႁူႉၸွမ်း ၸႅင်ႈလႅင်းလီၼင်ႇၵဝ်ႇ။

ၸွမ်ၸိုင်ႈဢမႄႇရိၵၢၼ်ႇ ၵျူဝ်းပၢႆႇတႅၼ်ႇ မွၵ်ႇလၢတ်ႈဝႃႈတႄႉ ၵပ်းၵၢႆႇလူၺ်ႈ လွင်ႈပိုတ်ႇယိုဝ်းဢၼ်ၼႆႉသေ တၢင်းႁၼ်ထိုင် ဢၼ်ပႅၵ်ႇပိူင်ႈၵၼ် မီးဝႆႉလၢႆလၢႆဢၼ်လႄႈ ၸဝ်ႈၼႃႈတီႈ ဢမႄႇရိၵၢၼ်ႇၶဝ် တိုၵ်ႉၵူတ်ႇထတ်းယူႇဝႃႈၼႆယဝ်ႉ။ မိူဝ်ႈတႄႇမၼ်း ၽူႈမီးပုၼ်ႈၽွၼ်း ႁူင်းယႃၵႃႇၸႃႇၶဝ် လၢတ်ႈဝႃႈတႄႉ ဢိတ်ႇသရေးၶဝ် လုၵ်ႉတီႈ တၢင်းၽႄ al-Nabusi ဢၼ်မီးတီႈ ၽၢႆႇတူၵ်း ၵႃႇၸႃႇၼၼ်ႉသေ ပိုတ်ႇယိုဝ်းသႂ်ႇ ၽုင်ၵူၼ်း ဝႃႈၼၼ်သေတႃႉ ၸိူဝ်းတူဝ်ထူပ်းတႃႁၼ်ၶဝ် မွၵ်ႇလၢတ်ႈဝႃႈတႄႉ တပ်ႉဢိတ်ႇသရေးၶဝ် ပိုတ်ႇယိုဝ်း ၵူၼ်းၸိူဝ်းၸၼ်လူင် ထူင်တၢင်းၵိၼ်တၢင်းယႅမ်ႉ ဢၼ်မီးတီႈၼိူဝ်လူတ်ႉထရၵ်ႉ ဝႃႈၼၼ်ယဝ်ႉ။

ၸဝ်ႈၼႃႈတီႈ ဢိတ်ႇသရေးၶဝ်မွၵ်ႇလၢတ်ႈဝႃႈတႄႉ ယွၼ်ႉပိူဝ်ႈဝႃႈ ၽုင်ၵူၼ်းလူင် ဢွၼ်ၵၼ်လႅၼ်ႈမႃးၸူးလူတ်ႉထရၵ်ႉသေ ပဵၼ်ဝႆႉၼင်ႇသၢႆငၢႆလွၵ်ႇငိူတ်ႈလႄႈ ၵူၼ်းသိုၵ်းၶဝ် ၸင်ႇလႆႈယိုဝ်းဝႃႈၼႆယဝ်ႉ။ မိူဝ်ႈတႄႇမၼ်း ၽၢႆႇတပ်ႉသိုၵ်းၵေႃႈဝႃႈ ၽုင်ၵူၼ်းလူင် ဢွၼ်ၵၼ်ဢီးယဝ်ႈဢီးတမ်ၵၼ်၊ ယဵပ်ႈၺႃးၵၼ် လႄႈ ယွၼ်ႉပိူဝ်ႈ လူတ်ႉထရၵ်ႉႁိပ်ႇၺႃးလႄႈ ၵူၼ်းလႆႈတၢႆႁူဝ်သိပ်းမၼ်းဝႃႈၼႆမႃႈယဝ်ႉ။ ဢၼ်ပဵၼ် လုမ်း ၸွမ်ၽွင်းလူင်ဢိတ်ႇသရေး Benjamin Netanyahu ၵေႃႈ ပၼ်ၶေႃႈတွပ်ႇမႃးဝႃႈၼၼ်သေ ၵူၼ်းၸိူဝ်းၼၼ်ႉ ၶဝ်ဢၢင်ႈၶဝ်ႈႁိမ်ဢဝ် ၶူဝ်းၶွင်ၸိူဝ်းပႃးမႃးၼိူဝ်လူတ်ႉထရၵ်ႉၼၼ်ႉလႄႈ လူတ်ႉၸင်ႇလႆႈ ႁိပ်ႇၺႃး ၽႃႇၺႃးဝႃႈၼႆယဝ်ႉ။

ၵူၼ်းဢၼ်လႆႈလူႉတၢႆၵႂႃႇ ဢိၵ်ႇလူၺ်ႈ လွင်ႈပဵၼ်ဢၼ်ၼႆႉ လႄႈ ၼႂ်းၶၢဝ်းတၢင်းပၢင်တိုၵ်း ၸမ်မွၵ်ႈ 5 လိူၼ်မႃးၼႆႉ ၵူၼ်းဢၼ်လႆႈလူႉတၢႆၵႂႃႇ မီးမွၵ်ႈ 3 မိုၼ်ႇၼႆႉယဝ်ႉၼႆ ထၢၼ်ၽွင်းလူင် ပၢႆးယူႇလီၵႃႇၸႃႇ ဢၼ်ႁႃးမၢတ်ႉသ်ၶဝ် ၵုမ်းၵမ်ဝႆႉၼၼ်ႉ လႆႈမွၵ်ႇလၢတ်ႈ မိူဝ်ႈဝၼ်းၽတ်းၼၼ်ႉယူႇယဝ်ႉ။


ငိူၼ်ႈငဝ်ႈတိုၼ်း

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=လွင်ႈပိုတ်းယိုဝ်း_မိူဝ်ႈတိုၵ်ႉၽႄပၼ်တၢင်းၸွႆႈထႅမ်_ပႃးလဵတ်ႈသတၢႆး_တၢႆ_ဢမ်ႇယွမ်း_103_ၵေႃႉ&oldid=2844"