ဝီႇၶီႇၶၢဝ်ႇ

ဢိတ်ႇသရေး ႁၢင်ႈသိုၵ်းတိုၵ်းတေႃး ထိုင်ၼႂ်းဝဵင်းရႃႇၾႃႇ

ဝၼ်းၸၼ်၊ မေႇ 13၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=လွင်ႈသုၵ်ႉယုင်ႈ ဢိတ်ႇသရေး/ပႃးလဵတ်ႈသတၢႆး notcategory=disputed notcategory=no publish namespace=Main addfirstcategorydate=true count=5 </dynamicpagelist>

မိၵ်ႈမၢႆ လွင်ႈငမ်းယဵၼ် ၼႂ်းၵႄႈ ဢိတ်ႇသရေး လႄႈ ပႃးလဵတ်ႈသတၢႆး
ႁူမ်ႈသၢင်ႈ!
ၵူၼ်းသိုၵ်းဢိတ်ႇသရေး တီႈၼႂ်း ဝဵင်းရႃႇၾႃႇ

မိူဝ်ႈဝၼ်းဢႃးတိတ်ႉၼၼ်ႉ ဢိတ်ႇသရေးၶဝ် လႆႈသိုပ်ႇႁၢင်ႈသိုၵ်းၶဝ်ႈတိုၵ်းထိုင်တီႈၼႂ်းဝဵင်းရႃႇၾႃႇ တီႈၵႃႇၸႃႇပွတ်းၸၢၼ်းၼၼ်ႉယဝ်ႉ။ ၽွင်းလူင် ၵၢၼ်ၼွၵ်ႈမိူင်း ဢမႄႇရိၵၢၼ်ႇ ဢၼ်ႇထူဝ်ႇၼီႇ ပလိၼ်ႇၵႅၼ်ႇ လၢတ်ႈဝႆႉဝႃႈ ၽၢႆႇဢိတ်ႇသရေးၶဝ် ပႆႇပၼ်ဝႆႉ လၢႆးငၢၼ်း ဝၢႆးလင် ပဵၼ်ပၢင်တိုၵ်း ဢၼ်ႁိုင်မႃး ၸဵတ်းလိူၼ်ၼၼ်ႉယဝ်ႉ လႄႈ ဢၼ်ဝႃႈ တေ ႁဵတ်းႁိုဝ် ၵႅတ်ႇၵင်ႈပၼ် ၵူၼ်းမိူင်းပႃးလဵတ်ႈသတၢႆး ဢၼ်သေႃႉယူႇတီႈ ဝဵင်းရႃႇၾႃႇ မွၵ်ႈလၢၼ်ႉပၢႆၼၼ်ႉ ဢၼ်ဝႃႈၼၼ်ႉယဝ်ႉ။

ယွၼ်ႉဢိတ်ႇသရေးၶဝ် တိုၵ်းတေႃးလႄႈ ၼႂ်းၵႃႈ ၵူၼ်းပႃးလဵတ်ႈသတၢႆး သိပ်းသၢမ်သႅၼ်ၼၼ်ႉ တႃႇ သၢမ်သႅၼ်ၼႆႉ လႆႈဢွၼ်ၵၼ်ပၢႆႈမႃး ပွတ်းၸၢၼ်း မိူဝ်ႈလိူၼ်ပူၼ်ႉၼၼ်ႉသေ ယၢမ်းလဵဝ်ၵေႃႈ ၶဝ်လႆႈၶေႃႈပူင် တႃႇၶၢႆႉၵႂႃႇတီႈ ၼႃႈလိၼ် ဢၼ်မီးတီႈ ၸဵင်ႇႁွင်ႇဝၼ်းတူၵ်း ဝဵင်းရႃႇၾႃႇၼၼ်ႉ ဝႃႈၼႆယဝ်ႉ။ မိူဝ်ႈဝၼ်းဢႃးတိတ်ႉၼၼ်ႉ ၽွင်းလူင် ပလိၼ်ႇၵႅၼ်ႇ လၢတ်ႈၵႂႃႇတီႈ လၢႆးငၢႆး “Meet the Press” ၶွင် ႁွင်ႈၵၢၼ်ၶၢဝ်ႇ NBC လၢတ်ႈဝႃႈ ၽၢႆႇဢိတ်ႇသရေးၶဝ် ပႆႇပၼ် လၢႆးၵၢၼ်ၼႄႉၼွၼ်း တႃႇၸွႆႈထႅမ် ၵူၼ်းထူပ်းၽေး ဢမ်ႇၼၼ် တႃႇၵႅတ်ႇၵင်ႈပၼ် ၵူၼ်းပႃးလဵတ်ႈသတၢႆး ဝႃႈၼႆယဝ်ႉ။

ဢမႄႇရိၵၢၼ်ႇ ဢၼ်ၵမ်ႉထႅမ်လၢၵ်ႈၼၢၵ်ႈပိူင်လူင် တွၼ်ႈတႃႇ ဢိတ်ႇသရေးၼၼ်ႉ ၶဝ်ပၼ်ၽၢင်ႉလၢႆပွၵ်ႈလၢႆၵမ်းဝႆႉဝႃႈ ယႃႇပေ ႁၢင်ႈသိုၵ်းတေႃႇ ရႃႇၾႃႇၼႆသေတႃႉ တပ်ႉဢိတ်ႇသရေးၶဝ်တႄႉ ဢဝ်ႁိူဝ်းမိၼ် ပွႆႇမၢၵ်ႇ လႄႈ လွင်ႈႁၢင်ႈၵၢၼ်သိုၵ်းၼိူဝ်လိၼ် ၸိူဝ်းၼႆႉ သိုပ်ႇႁဵတ်းၸွမ်း လွင်ႈမၵ်းၶၼ်ႈဝႆႉယူႇ။ ယွၼ်ႉပိူဝ်ႈ ၸဝ်ႈၸွမ်ၸိုင်ႈ ၵျူဝ်းပၢႆႇတႅၼ်ႇ လႆႈမႆႈၸႂ် ၵူဝ်ဢဝ်ၵႂႃႇၸႂ်ႉတီႈ ပၢင်တိုၵ်း တီႈရႃႇၾႃႇၼႆလႄႈ ၸိူဝ်းပဵၼ် မၢၵ်ႇ 227 ၵီႇလူဝ်ႇၵရမ်ႇ လႄႈ မၢၵ်ႇ 907 ၵီႇလူဝ်ႇၵရမ်ႇ တႃႇ 3,500 လုၵ်ႈၼၼ်ႉ ဢၼ်ပႆႇသူင်ႇပၼ်သေ လႆႈယိုတ်းဝႆႉၸူဝ်းၶၢဝ်းယူႇယဝ်ႉ။



ငိူၼ်ႈငဝ်ႈတိုၼ်း

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=ဢိတ်ႇသရေး_ႁၢင်ႈသိုၵ်းတိုၵ်းတေႃး_ထိုင်ၼႂ်းဝဵင်းရႃႇၾႃႇ&oldid=3302"