ၵၢၼ်ႇ၊ ၼႄႇတႃႇလႅၼ်ႇ လႄႈ တႅၼ်းမၢၵ်ႈ သူင်ႇႁိူဝ်းမိၼ်တိုၵ်း F16 ၵႂႃႇယူႇၶရဵၼ်း
ဝၼ်းသုၵ်း၊ ၸူႇလၢႆႇ 12၊ 2024
ၸွမ်ၽွင်းလူင် ၼႄႇတႃႇလႅၼ်ႇ တိၵ်ႉသၶုပ်ႉၾ်၊ ၸွမ်ၽွင်းလူင် တႅၼ်းမၢၵ်ႈ မႅတ်ႉတႄႇၾရႅတ်ႉတရိၵ်ႉသႅၼ်ႇ လႄႈ ၸွမ်ပွင်ၸိုင်ႈ ဢမႄႇရိၵၢၼ်ႇ ၵျူဝ်းပၢႆႇတႅၼ်ႇၶဝ် လႆႈပိုၼ်ၽၢဝ်ႇ မိူဝ်ႈဝၼ်းပုတ်ႉဝႃႈ လူင်ပွင်ၸိုင်ႈ ၼႄႇတႃႇလႅၼ်ႇ လႄႈ လူင်ပွင်ၸိုင်ႈ တႅၼ်းမၢၵ်ႈၶဝ်ၼႆႉ ဢဝ်တင်းလွင်ႈၵမ်ႉထႅမ် ဢမႄႇရိၵၢၼ်ႇသေ တိုၵ်ႉႁဵတ်းသၢင်ႈ တႃႇဢဝ် ႁိူဝ်းမိၼ်တိုၵ်း F-16 လူႇတၢၼ်းၵမ်ႉထႅမ်ပၼ် ယူႇၶရဵၼ်းယူႇ ဝႃႈၼႆယဝ်ႉ။
မိူဝ်ႈလဵဝ် တိုၵ်ႉႁဵတ်းဝႆႉ ၵၢၼ်တေႃႉသူင်ႇ ႁိူဝ်းမိၼ်တိုၵ်း F-16 ပၼ်မိူင်းယူႇၶရဵၼ်းယူႇၼႆ ၽူႈဢွၼ်ႁူဝ်သၢမ်ၵေႃႉ ဢွၵ်ႇလိၵ်ႈပိုၼ်ၽၢဝ်ႇ တီႈႁိူၼ်းၵႅဝ်ႈၶၢဝ်ဝႆႉယူႇ။ ၼႂ်းၶေႃႈပိုၼ်ၽၢဝ်ႇၼၼ်ႉ လၢတ်ႈဝႃႈ တပ်ႉသိုၵ်းယူႇၶရဵၼ်း တေတႄႇၸႂ်ႉတိုဝ်း ႁိူဝ်းမိၼ်ၸိူဝ်းၼႆႉ ၼႂ်းၶၢဝ်းမႆႈၼႆႉၼႆသေတႃႉ ယွၼ်ႉပိူဝ်ႈ လွင်ႈႁူမ်ႇလူမ်ႈလႄႈ ဢမ်ႇလၢတ်ႈၼႄ လွင်ႈတၢင်းမၼ်း ၼႆယဝ်ႉ။ ၽူႈဢွၼ်ႁူဝ်သၢမ်ၵေႃႉၼႆႉ ဢွၵ်ႇၶေႃႈပိုၼ်ၽၢဝ်ႇဝႆႉဝႃႈ မိူင်းပႄႇလ်ၵျီႇယမ်ႇ လႄႈ မိူင်းၼေႃႇဝူၺ်းၵေႃႈ ပၼ်ၶေႃႈမၼ်ႈၵႅၼ်ႇ တႃႇတေသူင်ႇႁိူဝ်းမိၼ်ၵႂႃႇ မိူင်းယူႇၶရၼ်း ၼႆယဝ်ႉ။
ၽူႈပၼ်တၢင်းႁၼ်ထိုင် ၽၢႆႇႁူမ်ႇလူမ်ႈၸိူဝ်ႉၸၢတ်ႈ ဢမေႇရိၵၢၼ်ႇ လၢတ်ႈတီႈပၢင်ၵုမ် ၸုမ်းပၢႆးမၢၵ်ႈမီး ၽၢႆႇၵႅတ်ႇၶႄ မိူဝ်ႈဝၼ်းဢႃးတိတ်ႉၼၼ်ႉဝႃႈ “သင်ၶႂ်ႈလႆႈလွင်ႈငမ်းယဵၼ်ၸိုင် ႁၢင်ႈႁႅၼ်းတႃႇတေႁဵတ်းသိုၵ်း” ၼႆယဝ်ႉ။ လွင်ႈၵမ်ႉထႅမ် မိူင်းယူႇၶရဵၼ်း လႄႈ လွင်ႈႁဵတ်းဢွၵ်ႇ လႄႈ သိမ်းဝႆႉ ၶိူင်ႈၵွင်ႈၵၢင်ႇ လႄႈ မၢၵ်ႇၵွင်ႈ တႃႇၵႅတ်ႇၶႄ ၼေႇတူဝ်းၼၼ်ႉ ပဵၼ်လွင်ႈဢၼ် ၸုမ်းဢူၺ်းလီ ၼေႇတူဝ်းၶဝ် ဢုပ်ႇၵၼ်ယူႇ။
ငိူၼ်ႈငဝ်ႈၶၢဝ်ႇ
မႄးထတ်း- Anita Powell, Chris Hannas. "NATO leaders meet Wednesday at Washington summit" — VOA News, July 10, 2024
- Anita Powell, Chris Hannas. "NATO summit: Leaders hold talks with Indo-Pacific nations" — DW News, July 11, 2024