ဝီႇၶီႇၶၢဝ်ႇ

ဢမႄႇရိၵၢၼ်ႇ တိုၵ်းသူၼ်း ဝႅတ်ႉၼမ်း ႁႂ်ႈမီးလွင်ႈၼပ်ႉယၢမ် လွင်ႈၽွင်းငမ်းယူႇၶရဵၼ်း

ဝၼ်းသဝ်၊ ၸုၼ်ႇ 22၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ဝႅတ်ႉၼမ်း notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ ဝႅတ်ႉၼမ်း
ႁူမ်ႈသၢင်ႈ!
ဝႅတ်ႉၼမ်း
ဝႅတ်ႉၼမ်း
ၸဝ်ႈၸွမ်ၸိုင်ႈ ရတ်ႈသျႃး လႄႈ ၸဝ်ႈၸွမ်ၸိုင်ႈ ဝႅတ်ႉၼမ်း တီႈပၢင်ၸႅင်ႈၶၢဝ်ႇ

ဢမႄႇရိၵၢၼ်ႇ လႆႈတိုၵ်းသူၼ်း မိူင်းဝႅတ်ႉၼမ်း ႁႂ်း ၵမ်ႉထႅမ် လွင်ႈၽွင်းငမ်း လႄႈ ၼႃႈလိၼ်ဢုပ်ႉပိူင်ႇ ယူႇၶရဵၼ်း ဝႃႈၼႆယဝ်ႉ။ ဝၢႆးသေ ၸဝ်ႈၸွမ်ၸိုင်ႈရတ်ႈသျႃး ဝလႃႇၻီႇမီႇရ် ပူႇထိၼ်ႇ ဢၼ်တိုၵ်ႉၶဝ်ႈတိုၵ်းယူႇၶရဵၼ်းယူႇၼၼ်ႉ လႆႈႁွတ်ႈထိုင် မိူင်းဝႅတ်ႉၼမ်း ၶၢဝ်းတၢင်းဝၼ်းၼိုင်ႈယဝ်ႉသေ ၽူႈမီးသုၼ်ႇလၢတ်ႈ ႁွင်ႈၵၢၼ်ၼွၵ်ႈမိူင်း ဢမႄႇရိၵၢၼ်ႇ Matthew Miller လႆႈမွၵ်ႇလၢတ်ႈ မိူဝ်ႈဝၼ်းၽတ်းၼၼ်ႉယဝ်ႉ။

ၵဵဝ်ႇၵပ်းလူၺ်ႈ လွင်ႈသိူၵ်ႈသမ်ႇ ဝႅတ်ႉၼမ်း-ရတ်ႈသျႃးသေ ႁွင်ႈၵၢၼ်ၶၢဝ်ႇ ဝီႇဢူဝ်ႇဢေႇ လႆႈတွင်ႈထၢမ် တၢင်းႁၼ်ထိုင် ဢမႄႇရိၵၢၼ်ႇ မႃးယဝ်ႉ။ ၽူႈမီးသုၼ်ႇလၢတ်ႈ ႁွင်ႈၵၢၼ်ၼွၵ်ႈမိူင်း ဢမႄႇရိၵၢၼ်ႇ Matthew Miller တွပ်ႇၶိုၼ်းဝႃႈ မိူင်းလႂ်သေဢမ်ႇဝႃႈ ဢၼ်သိူၵ်ႈသမ်ႇၵၼ်တင်း လူင်ပွင်ၸိုင်ႈရတ်ႈသျႃးၼႆႉ ဢမႄႇရိၵၢၼ်ႇ လႆႈမုင်ႈမွင်းဝႃႈ တေမီးလွင်ႈၼပ်ႉယမ်ႁဵတ်းၸွမ်း ပၵ်းပိူင် ပတိၼ်ႇၺၺ်ႇ ဢၼ်ၸုမ်းၸၢတ်ႈၸိုင်ႈလုမ်ႈၾႃႉ တမ်းဝၢင်းဝႆႉ ဢိၵ်ႇတင်း ၼႃႈလိၼ်ဢုပ်ႉပိူင် လႄႈ လွင်ႈၽွင်းငမ်း ဝႃႈၼႆယဝ်ႉ။

ၽွင်းယၢမ်းၼၼ်ႉၼင်ႇၵဝ်ႇ ၶႂ်ႈၼႄဝႃႈ လွင်ႈသိူၵ်ႈသမ်ႇ ၼႂ်းၵႄႈ မိူင်းဢမႄႇရိၵၢၼ်ႇ လႄႈ ဝႅတ်ႉၼမ်းၼႆႉၵေႃႈ မီးလွင်ႈတိူဝ်းမႃးယူႇၼႆလႄႈ ဢၼ်ပဵၼ် ၽွင်းတၢင်တူဝ် ႁွင်ႈၵၢၼ်ၼွၵ်ႈမိူင်းဢမႄႇရိၵၢၼ်ႇ ၵေႃႉၼိုင်ႈ တိုၵ်ႉၵႂႃႇ ဝဵဵင်းႁႃၼွႆႉယူႇ။ ၽူႈမီးသုၼ်ႇလၢတ်ႈ ႁွင်ႈၵၢၼ်ၼွၵ်ႈမိူင်း လၢတ်ႈဝႃႈ ၶၢဝ်းတၢင်း ၵႅမ်ၽွင်းလူင် ၵၢၼ်ၼွၵ်ႈမိူင်း Daniel J. Kritenbrink ၼႆႉ မၼ်းပဵၼ် လၢႆးၵၢၼ်ၶၢဝ်းတၢင်း ဢၼ်ႁၢင်ႈႁႅၼ်းဝႆႉ ၸဵမ်မိူဝ်ႈ ၸဝ်ႈၸွမ်ၸိုင်ႈရတ်ႈသျႃး ပႆႇၵႂႃႇ ဝႅတ်ႉၼမ်းၼၼ်ႉ ဝႃႈၼႆယဝ်ႉ။


ငိူၼ်ႈငဝ်ႈတိုၼ်း

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=ဢမႄႇရိၵၢၼ်ႇ_တိုၵ်းသူၼ်း_ဝႅတ်ႉၼမ်း_ႁႂ်ႈမီးလွင်ႈၼပ်ႉယၢမ်_လွင်ႈၽွင်းငမ်းယူႇၶရဵၼ်း&oldid=3143"