ၶႄႇပၼ်ၽၢင်ႉဝႃႈ တေၸၢင်ႈပဵၼ် သိုၵ်းၵႃႉၶၢႆ တင်း ၸုမ်းၽွမ်ႉႁူမ်ႈယူးရူပ်ႉ
ဝၼ်းသဝ်၊ ၸုၼ်ႇ 22၊ 2024
.svg)
ၽွင်းမိူဝ်ႈ Robert Habeck ဢၼ်ပဵၼ် ၽွင်းလူင်ၵၢၼ်ပၢႆးမၢၵ်ႈမီးၵျႃႇမၼီႇ ႁွတ်ႈထိုင် ပႄႇၸိင်း မိူင်းၶႄႇ တႃႇဢုပ်ႇဢူဝ်း ၵဵဝ်ႇၵပ်းလူၺ်ႈ ၵၢၼ်ၵဵပ်းၶွၼ်ႇယူႇၼၼ်ႉ လူင်ပွင်ၸိုင်ႈၶႄႇ ပၼ်ၽၢင်ႉဝႃႈဝႃႈ ယွၼ်ႉပိူဝ်ႈ ၸုမ်းၽွမ်ႉႁူမ်ႈယူးရူပ်ႉ ဢီးယူႇ ၶဝ် တိူဝ်းၵဵပ်းၶွၼ်ႇၼိူဝ် ရူတ်ႉၾႆးၾႃႉမိူင်းၶႄႇလႄႈ တေၸၢင်ႈပဵၼ်မႃး သိုၵ်းၵႃႉၶၢႆ ဝႃႈၼႆယဝ်ႉ။
ၼႆႉၵေႃႈ တႄႇဢဝ် လွင်ႈဢီးယူႇ တၢင်ႇလၢတ်ႈ တႃႇတိူဝ်းၵဵပ်းၶွၼ်ႇ ရူတ်ႉၾႆးၾႃႉ ႁဵတ်းဢွၵ်ႇမိူင်းၶႄႇ တွၼ်ႈတႃႇငမ်ႇၵၼ်တင်း လွင်ႈပၼ်ဝႆႉၵၼ်ၵမ်ႉထႅမ်ၶိုၵ်ႉတွၼ်းၼၼ်ႉသေ ၼႆႉပဵၼ်ပွၵ်ႈဢွၼ်တၢင်းသုတ်း ဢၼ်ပဵၼ် ၽူႈမီးၸၼ်ႉထၢၼ်ႈသုင် ဢီးယူႇ ၵေႃႉၼိုင်ႈ လႆႈႁွတ်ႈမႃး မိူင်းၶႄႇ ပဵၼ်ၶၢဝ်းတၢင်း ႁိုင်သၢမ်ဝၼ်းၼၼ်ႉယဝ်ႉ။ ၵဵဝ်ႇၵပ်းလွင်ႈၼႆႉသေ ၽၢႆႇၶႄႇၶဝ် လႆႈၶိုၼ်းႁဵတ်းသၢင်ႈဢဝ်လိူင်ႈ လႄႈ ၽၢႆႇၽူႈဢွၼ်ႁူဝ်ၶႄႇၶဝ်ၵေႃႈ လႆႈမီးၶေႃႈထတ်းသၢင်ဢွၵ်ႇမႃးယဝ်ႉ။
ၼႂ်းဝူင်ႈဝၢင်ႈၼႆႉ ၸိူဝ်းပဵၼ် ၸဝ်ႈၵၢၼ်ငၢၼ်းရူတ်ႉၶႄႇၶဝ် လႆႈတုၵ်းယွၼ်း လူင်ပွင်ၸိုင်ႈ တႃႇတိူဝ်းၵဵပ်းၶွၼ်ႇၼိူဝ် ရူတ်ႉယူးရူပ်ႉ ဢၼ်ၸႂ်ႉ ၼမ်ႉမၼ်းၼၼ်ႉသေ ၽၢႆႇလူင်ပွင်ၸိုင်ႈၶႄႇၵေႃႈ ဝႆႉဝႃႈပဵၼ် လွင်ႈတုမ်ႉတွပ်ႇၶိုၼ်း လွင်ႈႁဵတ်းသၢင်ႈၼၼ်ႉသေ လႆႈဢိုတ်းပႅတ်ႈ လွင်ႈဢဝ်ၵုၼ်ႇဢီးယူႇ တၢင်ႇၶဝ်ၼႂ်းမိူင်းၼၼ်ႉယဝ်ႉ။ ၽူႈမီးသုၼ်ႇလၢတ်ႈ ထၢၼ်ၽွင်းလူင်ၵၢၼ်ၵႃႉၶၢႆၶႄႇလၢတ်ႈဝႃႈ ၽၢႆႇဢီးယူႇၶဝ် မီးပုၼ်ႇၽွၼ်း ၼိူဝ်လွင်ႈၼႆႉ ဝႃႈၼႆယဝ်ႉ။
မိူင်းၵျႃႇမၼီႇ ဢၼ်ပဵၼ် မိူင်းပၢႆးမၢၵ်ႈမီးႁႅင်းယႂ်ႇသေိပူၼ်ႈ တီႈ ယူးရူပ်ႉၼႆႉ ယွၼ်ႉပိူဝ်ႈ ၶႄႇၶဝ် တွပ်ႇတႅၼ်းၶိုၼ်းၼင်ႇၼႆၼႆႉ တေၸၢင်ႈမီးၽေး တွၼ်ႈတႃႇ ပၢႆးမၢၵ်ႈမီး ၵျႃႇမၼီႇလႄႈ ၶၢဝ်းတၢင်းမိူင်းၶႄႇ ၽွင်းလူင် Habeck ၼႆႉ တေၸၢင်ႈလႆႈသုၼ်ႇ တႃႇသပ်းလႅင်းၼႄဝႃႈ ယွၼ်ႉပိူဝ်ႈသင်လႄႈ လႆႈတိူဝ်းၵဵပ်းၶွၼ်ႇ ဢၼ်ဝႃႈၼၼ်ႉယဝ်ႉ။
လွင်ႈဢၼ် ဢီးယူႇ တိူဝ်းၵဵပ်းၶွၼ်ႇၼႆႉ ၸဝ်ႈၵၢၼ်ငၢၼ်းရူတ်ႉ ဢၼ်ၵျႃႇမၼီႇဢွၼ်ႁူဝ်ၼၼ်ႉ ဢွၼ်ၵၼ် ၶတ်းၶႂၢင်မႃးႁၢဝ်ႈႁၢဝ်ႈႁႅင်းႁႅင်းသေ လွင်ႈၵျႃႇမၼီႇလၢတ်ႈၼႆႉ မၼ်းတေမီးၽွၼ်းယွၼ်ႈယႂ်ႇလိူင်သေ ၵျႃႇမၼီႇတႄႉ သွၼ်ႇဝႆႉဝႃႈ ၽၢႆႇမိူင်းၶႄႇၶဝ် တေၸၢင်ႈငူပ်ႉငိမႃႈလႄႈ ၸင်ႇလႆႈတိုၵ်းသွၼ်း တႃႇဢုပ်ႇဢူဝ်းယဝ်ႈ။ သိုဝ်ႇၶၢဝ်ႇၶႄႇၶဝ် လၢတ်ႈဝႃႈတႄႉ လုၵ်ႉတီး ၶၢဝ်းတၢင်း ၽွင်းလူင်ၵျႃႇမၼီႇသေ တေၸၢင်ႈမီးတိုဝ်ႉတၢင်း တႃႇယွၼ်ႇယွမ်းလႆႈ လွင်ႈၶဵင်ႈၶႅင်ၵႂႃႇယူႇ ဝႃႈၼႆ။
ငိူၼ်ႈငဝ်ႈၶၢဝ်ႇ
မႄးထတ်း- Reuters. "EU tariffs on China not a 'punishment', says German economy minister" — Reuters, June 22, 2024
- Reuters. "China warns of possible 'trade war' with EU as Germany's Habeck heads to Beijing" — VOA News, June 21, 2024
- Frank Chen and Vanessa Cai. "Germany’s Robert Habeck holds EU line on Chinese EVs, says tariffs are not punitive" — South China Morning Post, June 22, 2024