ဝီႇၶီႇၶၢဝ်ႇ

ၶႄႇလဵပ်ႈယၢမ်း ၽွင်းၵၢၼ်ႇလႄႈ ဢူၺ်းလီမၼ်း တိုၵ်ႉၽိုၵ်းၵၢၼ်သိုၵ်း တီႈပၢင်ႇလၢႆႇၶႄႇၸၢၼ်း

ဝၼ်းၸၼ်၊ ဢေႇပရႄႇ 8၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ပၢင်ႇလၢႆႇၶႄႇၸၢၼ်း notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီး ပၢင်ႇလၢႆႆၶႄႇၸၢၼ်း
ႁူမ်ႈသၢင်ႈ!
ႁိူဝ်းသိုၵ်း ဢမႄႇရိၵၢၼ်ႇ တီႈၼႂ်း ပၢင်ႇလၢႆႇၶႄႇၸၢၼ်း

ဝၼ်းဢၼ် ၾီလိပ်ႈပိၼ်း၊ ဢမႄႇရိၵၢၼ်ႇ၊ ၵျႃႇပၢၼ်ႇ လႄႈ ဢေႃႉသထရေးလီးယႃး ၶဝ် ႁူမ်ႈၵၼ်ၽိုၵ်းၵၢၼ်သိုၵ်း ၼၼ်ႉ တပ်ႉသိုၵ်းၶႄႇ လႆႈလၢတ်ႈဝႃႈ လိူၼ်ဢေႇပရႄႇ ဝၼ်းထိ 7 ၼၼ်ႉ ၶဝ်လႆႈႁဵတ်း ၵၢၼ်လဵပ်ႈယၢမ်း ၵဵဝ်ႇလူၺ်ႈၵၢၼ်သိုၵ်း တီႈၼႂ်းပၢင်ႇလၢႆႇၶႄႇၸၢၼ်း ဢၼ်ၶႄႇလႆႈမီးလွင်ႈထဵင်မေႃးၵၼ်ၼၼ်ႉယဝ်ႉ။ ဝၢႆးသေ ၽူႈယႂ်ႇၽၢႆႇၵႅတ်ႇၵင်ႈ မိူင်းသီႇမိူင်း ဢၼ်ၶဝ်ႈပႃး မိူင်းၾီႇလိပ်ႈပိၼ်း ၵပ်းၵၢႆႆလူၺ်ႈသၢႆတၢင်းၼမ်ႉသေ ဢၼ်လႆႈၵႆႉမီးလွင်ႈထဵင်မေႃးၵၼ်တင်းၶႄႇ ၼႆႉ လႆႈမွၵ်ႇလၢတ်ႈဝႃႈ လိူၼ်ဢေႇပရႄႇ ဝၼ်းထိ 7 ၼၼ်ႉ တေႁဵတ်းလွင်ႈၽိုၵ်းၵၢၼ်သိုၵ်း တီႈၼႂ်းပၢင်ႇလၢႆႇၶႄႇၸၢၼ်း ၼႆသေ ယူႇထႅင်ႈဝၼ်းၼိုင်ႈၵေႃႈ ၶေႃႈပိုၼ်ၽၢဝ်ႇၶႄႇ ၸင်ႇလႆႈဢွၵ်ႇမႃးၼင်ႇၼႆယဝ်ႉ။

ငဝ်ႈငုၼ်းၼႃႈလိၵ်သိုၵ်းပွတ်းၸၢၼ်း တပ်ႉလွတ်ႈလႅဝ်းၵူၼ်းမိူင်းၶႄႇ (PLA) လႆႈမွၵ်ႇလၢတ်ႈဝႃႈ တီႈၼႂ်းပၢင်လၢႆႇၸၢၼ်းၶႄႇၼၼ်ႉ ၶဝ်လႆႈဢဝ် တပ်ႉၼမ်ႉ လႄႈ တပ်ႉၵၢင်ႁၢဝ်သေ လဵပ်ႈယၢမ်းၼႃႈသိုၵ်း ဝႃႈၼႆယဝ်ႉ။ လွင်ႈတူင်ႉၼိုင်ၵၢၼ်သိုၵ်း တီႈၼႂ်းပၢင်ႇလၢႆႇၶႄႇၸၢၼ်း ၼႆႉ ႁဵတ်းႁႂ်ႈသၢႆငၢႆမၼ်းယုင်ႈယၢင်ႈသေ ယၢမ်းလဵဝ် ပဵၼ်ဢၼ်ၵုမ်းထိင်းလႆႈ ဢွင်ႈတီႈ ၸိူဝ်းမီးၽေးၶဵၼ်ယဝ်ႉၼႆ လႆႈမၢႆထိုင် လွင်ႈမိူင်းတၢင်ႇမိူင်း မႃးၽိုၵ်းၵၢၼ်သိုၵ်း တီႈၼႂ်းပၢင်ႇလၢႆႇၶႄႇၸၢၼ်းၼၼ်ႉယဝ်ႉ။ ၶေႃႈမုၼ်းႁူဝ်ယွႆႈ ဢၼ်ၵဵဝ်ႇၵပ်းလူၺ်ႈ လွင်ႈတူင်ႉၼိုင် တပ်ႉသိုၵ်းၶႄႇ မိူဝ်ႈဢေႇပရႄႇ 7 ဝၼ်းၼၼ်ႉတႄႉ ဢမ်ႇလႆႈပိုၼ်ၽၢဝ်ႇသင်မႃး။ လွင်ႈႁူမ်ႈၵၼ်ၽိုၵ်းၵၢၼ်သိုၵ်းၼႆႉ လႆႈႁဵတ်းဢွၼ်တၢင်း ပၢင်ၵုမ်သၢမ်ၶႃႈၵဵင်း ပွၵ်ႈဢွၼ်တၢင်းသုတ်း ၸိူဝ်းပဵၼ် ၸဝ်ႈၸွမ်ၸိုင်ႈ ဢမႄႇရိၵၢၼ်ႇ၊ ၽူႈဢွၼ်ႁူဝ် ၾီလိပ်ႈပိၼ်း လႄႈ ၽူႈဢွၼ်ႁူဝ်ၵျႃႇပၢၼ်ႇၶဝ် တေႁူပ်ႉထူပ်းဢုပ်ႇဢူဝ်းၵၼ်ယဝ်ႉ။

ၽူႈမီးၸၼ်ႉဢမႄႇရိၵၢၼ်ႇၶဝ် လႆႈပၼ်ၽၢင်ႉၶႄႇယူႇတိၵ်းတိၵ်းဝႃႈ ဢၼ်ၵဵဝ်ႇၵပ်းလူၺ်ႈ ၵႂၢမ်းမၼ်ႈၸႂ်ၵႅၼ်ႇၶႅင် ဢမႄႇရိၵၢၼ်ႇ ဢၼ်ဝႃႈ တေၵႅတ်ႇၶႄပၼ် ၾီလိပ်ႈပိၼ်း တီႈၽေးဢဝ်ၶိူင်ႈလၢၵ်ႈၼၢၵ်ႈတိုၵ်း တီႈၼႂ်းပၢင်လၢႆႇၸၢၼ်းၼၼ်ႉ ၼႆယဝ်ႉ။ ၶႄႇၼႆႉ ၶဝ်လႆႈပိုၼ်ၽၢဝ်ႇဝႆႉဝႃႈ ၶွပ်ႇၶႅပ်ႇ ၸိူဝ်းမီးတီႈၼႂ်း ပၢင်ႇလၢႆႇၶႄႇၸၢၼ်း ၼႆႉ ပဵၼ်ၶွင်ၶဝ် တင်းသဵင်ႈၼႆသေ မိူဝ်ႈပီပႆႇပေႃးႁိုင်ၼၼ်ႉ တိူဝ်းႁဵတ်းလွင်ႈတူင်ႉၼိုင်မႃးယူႇယဝ်ႉ။ မိူဝ်ႈဢေႇပရႄႇ 6 ဝၼ်းၼၼ်ႉၵေႃႈ တပ်ႉၸုမ်းပႂ်ႉၽင်ႇပၢင်ႇလၢႆႇၶႄႇ လႆႈမွၵ်ႇလၢတ်ႈဝႃႈ ႁိူဝ်းသၢင်းၽေႃး ၾီလိပ်ႈပိၼ်းၵမ်ႈၽွင်း လႆႈတူင်ႉၼိုင် ဢမ်ႇပဵၼ်တၢင်းၵၢၼ် တီႈႁိမ်း coral reef ဢၼ်မီးလွင်ႈထဵင်မေႃးၵၼ်ၼၼ်ႉလႄႈ လႆႈၶဝ်ႈၵုမ်းၵမ်သၢႆငၢႆၼၼ်ႉမႃးဝႃႈၼႆယဝ်ႉ။

ၽူႈမီးသုၼ်ႇလၢတ်ႈၶႄႇ ၵၢၼ်ယု လႆႈမွၵ်ႇလၢတ်ႈဝႃႈ ႁိူဝ်းသၢင်းၽေႃး လူင်ပွင်ၸိုင်ႈ ၾီလိပ်ႈပိၼ်းၼႆႉ ယူႇတႂ်ႈႁူဝ်ၶေႃႈ ဢၼ်ဝႃႈ လွင်ႈတိၺွပ်းပႃး ဢၼ်လႆႈဝႆႉတၢင်းၵႅတ်ႇၵင်ႈၼႆသေ လႆႈမီႈလွင်ႈပူၼ်ႉပႅၼ် ဢမ်ႇပဵၼ်တၢင်းၵၢၼ် လႄႈ လႆႈမီးလွင်ႈႁႃလိူင်ႈသေ လႆႈပိုၼ်ၽႄႈၶၢဝ်ႇၽိတ်း တီႈသိုဝ်ႇၶၢဝ်ႇသေ သေႃႇသူၼ်းယူႇ မၼ်းပဵၼ်လွင်ႈႁဵတ်းသၢင်ႈ ႁႂ်ႈလွင်ႈၼိမ်သဝ်း တီႈၼႂ်းပၢင်ႇလၢႆႇၶႄႇၸၢၼ်းၼၼ်ႉ လႆႈယွမ်းလူင်းၵႂႃႇဝႃႈၼႆယဝ်ႉ။ လွင်ႈထဵင်မေႃႈ ဢၼ်ၵဵဝ်ႇၵပ်း လွင်ႈပိူင်ႇၼႃႈၼမ်ႉ တီႈၼႂ်း ၵႄႈ ၾီလိပ်ႈပိၼ်း လႄႈ ၶႄႇၼႆႉ လႆႈမီးပိုၼ်းမႃး ၶၢဝ်းႁိုင်ယဝ်ႉသေ မိူဝ်ႈပႆႇပေႃးႁိုင်ၼၼ်ႉၵေႃႈ တီႈႁိမ်း coral reef ဢၼ်ပဵၼ် တီႈထဵင်မေႃးၵၼ်ၼၼ်ႉ ႁိူဝ်းသၢင်းၽေႃး သွင်ပႃႈသွင်ၽၢႆႇ လႆႈႁူပ်ႉထူပ်းၶဵင်ႇၼႃႈၵၼ်မႃး လၢႆလၢႆပွၵ်ႈယဝ်ႉ။ ၶႄႇၶဝ်လၢတ်ႈဝႃႈတႄႉ ၾီလိပ်ႈပိၼ်းၼႆႉ ၶဝ်ႁဵတ်းႁႂ်း လွင်ႈၶဵင်ႈၶႅင် တီႈပၢင်လၢႆႇၸၢၼ်းၶႄႇၼၼ်ႉ တိူဝ်းသုင်မႃးဝႃႈၼႆယဝ်ႉ။


ငိူၼ်ႈငဝ်ႈတိုၼ်း

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=ၶႄႇလဵပ်ႈယၢမ်း_ၽွင်းၵၢၼ်ႇလႄႈ_ဢူၺ်းလီမၼ်း_တိုၵ်ႉၽိုၵ်းၵၢၼ်သိုၵ်း_တီႈပၢင်ႇလၢႆႇၶႄႇၸၢၼ်း&oldid=4104"