ဝီႇၶီႇၶၢဝ်ႇ

ၷွၼ်ႇꩡႃႇလႅꩡ်ႉ ၽူႈဢွၼ်ႁူဝ် ၽၢႆႇၶၢၼ် မိူင်းဝႄႇၼေႇၸွႆးလႃး ၵႂႃသဝ်းၽႅင် တီႈ မိူင်းသပဵၼ်ႇ

ဝၼ်းဢင်းၵၢၼ်း၊ သႅပ်ႇ​ထႅမ်ႇပႃႇ 10၊ 2024

ၷွၼ်ႇꩡႃႇလႅꩡ်ႉ ၽူႈဢွၼ်ႁူဝ် ၽၢႆႇၶၢၼ် မိူင်းဝႄႇၼေႇၸွႆးလႃး
လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ဝႄႇၼေႇၸွႆးလႃး notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းဝႄႇၼေႇၸွႆးလႃး
ႁူမ်ႈသၢင်ႈ!
ဝႄႇၼေႇၸွႆးလႃး
ဝႄႇၼေႇၸွႆးလႃး

ၽူႈတႅၼ်းၽွင်း ၸွမ်ပွင်ၸိုင်ႈ ၽၢႆႇၶၢၼ် မိူင်းဝႄႇၼေႇၸွႆးလႃး ဢႅတ်ႉမွၼ်ႇတူဝ်ႇ ၷွၼ်ႇꩡႃႇလႅꩡ်ႉ ႁွတ်ႈထိုင် မိူင်းသပဵၼ်ႇ မိူဝ်ႈဝၼ်းဢႃးတိတ်ႉၼၼ်ႉသေ ယွၼ်းတီႈယူႇ ၼႆ ၽူႈမီးပုၼ်ႈၽွၼ်း မိူင်းသပဵၼ်ႇၶဝ် လၢတ်ႈၼႄၼင်ႇၼႆ။ ၽူႈဢွၼ်ႁူဝ် ၸုမ်းၽၢႆႇၶၢၼ် မိူင်းဝႄႇၼေႇၸွႆးလႃး လႆႈဢွၵ်ႇမိူင်းၵႂႃႇ ၽွင်းမိူဝ်ႈ ၵၢၼ်မိူင်း လႄႈ ၵၢၼ်ၽွင်းတၢင်မိူင်း မီးလွင်ႈၶွင်ႉၶမ် ယွၼ်ႉ ပၢင်လိူၵ်ႈတင်ႈ ဢၼ်မီးလွင်ႈထဵင်ထွင်ၵၼ် မိူဝ်ႈလိူၼ်ၵျူႇလၢႆႇပူၼ်ႉမႃးၼၼ်ႉယဝ်ႉ။

မိူဝ်ႈၸွမ်ပွင်ၸိုင်ႈ ၼိၵူဝ်ႇလႃႇ မႃႇတူႇရူဝ်ႇ ပိုၼ်ၽၢဝ်ႇဝႃႈ မၼ်းပႄႉပၢင်လိူၵ်ႈတင်ႈယဝ်ႉၼၼ်ႉ ၽူႈဢွၼ်ႁူဝ် ၽၢႆႇသၢၼ်ၶတ်း ၷွၼ်ႇꩡႃႇလႅꩡ်ႉ ၶိုၼ်းၶဵင်ႇတႃႉၶိုၼ်းလႄႈ လွင်ႈပၢင်လိူၵ်ႈတင်ႈၼၼ်ႉ လႆႈပဵၼ် လွင်ႈထဵင်ထွင်ၵၼ်မႃးယဝ်ႉ။ ဝၢႆးၼၼ်ႉ ၽူႈဢွၼ်ႁူဝ် ၽၢႆႇၶၢၼ် ၷွၼ်ႇꩡႃႇလႅꩡ်ႉ လႄႈ မေးမၼ်း ႁွတ်ႈထိုင် တီႈတပ်ႉပၢင်သဝ်းသိုၵ်း သပဵၼ်ႇ ၼႆ ႁွင်ႈၵၢၼ် ၵၢၼ်ၼွၵ်ႈမိူင်း မိူင်းသပဵၼ်ႇ ပိုၼ်ၽၢဝ်ႇဝႆႉၼင်ႇၼႆ။

မိူင်းဢမႄႇရိၵၢၼ်ႇ၊ ဢီးယူႇလႄႈ မိူင်းလူင် ၼႂ်းပိုၼ်ႉတီႈၶဝ် လႆႈႁၼ်ထိုင်ဝႃႈ တီႈပၢင်လိူၵ်ႈတင်ႈၼၼ်ႉ ၽူႈဢွၼ်ႁူဝ် ၽၢႆႇၶၢၼ် ၷွၼ်ႇꩡႃႇလႅꩡ်ႉ ဢႃႇယု 75 ပီၼၼ်ႉ လႆႈဢွင်ႇပႄႉၼႆယဝ်ႉ။ ဝၢႆးသေ ၸဝ်ႈၼႃႈတီႈ ဝႄႇၼႄႇၸွႆးလႃးၶဝ် ဢွၵ်ႇလိၵ်ႈပၼ်ၶႂၢင်ႉ တီႉၺွပ်း ၽူႈဢွၼ်ႁူဝ် ၸုမ်းၶၢၼ် ၷွၼ်ႇꩡႃႇလႅꩡ်ႉ ၼိုင်ႈဝူင်ႈယဝ်ႉ ႁိုင်ၼိုင်ႈဝူင်ႈၵေႃႈ မၼ်းဢွၵ်ႇမိူင်းၵႂႃႇ။ ဝၼ်းၼႆႉ ပဵၼ်ဝၼ်းဢၼ်လီမွင်ၸႂ် တႃႇပိူင်တီႇမူဝ်ႇၶရေႇသီႇ မိူင်းဝႄႇၼေႇၸွႆးလႃး ၼႆ ၽူႈၵွၼ်းၵၢၼ်မိူင်းၼွၵ်ႈမိူင်း EU ဢၼ်ပဵၼ် Josep Borrell ဢွၵ်ႇၶေႃႈပိုၼ်ၽၢဝ်ႇဝႆႉၼင်ႇၼႆ။ ယင်းလၢတ်ႈထႅင်ႈဝႃႈ ၼႂ်းပိူင်တီႇမူဝ်ႇၶရေႇသီႇၼႆႉ ၽူႈဢွၼ်ႁူဝ်ၵၢၼ်မိူင်းၽႂ်ၵေႃႈ ဢမ်ႇထုၵ်ႇလီတဵၵ်းတဵင်ၵႂႃႇပိုင်ႈဢိင်မိူင်းပိူၼ်ႈ။

ၵႅမ်ၸွမ်ပွင်ၸိုင်ႈ ဝႄႇၼေႇၸွႆးလႃး တႅမ်ႈဝႆႉ တီႈၼိူဝ် ဢိၼ်ႇသတႃႇၵရႅမ်ႇဝႃႈ ၸဝ်ႈၼႃႈတီႈၶဝ် ပိုတ်ႇပၼ် သဵၼ်ႈတၢင်း တႃႇ ၷွၼ်ႇꩡႃႇလႅꩡ်ႉ တေလႆႈ လွင်ႈၼိမ်သဝ်း ၵၢၼ်မိူင်း ၼႆယဝ်ႉ။ မၼ်းတႅမ်ႈဝႃႈ မၼ်းၵႂႃႇပိုင်ႈဢိင် တီႈလုမ်းတၢင် မိူင်းသပဵၼ်ႇ ဢၼ်မီးတီႈ ဝဵင်းလူင် ၶႃႇရႃႇၵၢတ်ႉၼၼ်ႉသေ ဝၢႆးၼၼ်ႉ မၼ်းဢွၵ်ႇမိူင်း ဝႄႇၼေႇၸွႆးလႃႇၵႂႃႇ ဝႃႈၼႆ။


ငိူၼ်ႈငဝ်ႈၶၢဝ်ႇ

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=ၷွၼ်ႇꩡႃႇလႅꩡ်ႉ_ၽူႈဢွၼ်ႁူဝ်_ၽၢႆႇၶၢၼ်_မိူင်းဝႄႇၼေႇၸွႆးလႃး_ၵႂႃသဝ်းၽႅင်_တီႈ_မိူင်းသပဵၼ်ႇ&oldid=4149"