ဝီႇၶီႇၶၢဝ်ႇ

ၸဝ်ႈၸွမ်ၸိုင်ႈ ၵၢၼ်ႇ ပၼ်ၽၢင်ႉ ၸွမ်ၽွင်းလူင် ဢိတ်ႇသရေး တွၼ်ႈတႃႇ ယႃႇႁႂ်ႈတိုၵ်း ရႃႇၾႃႇ

ဝၼ်းပုတ်ႉ၊ မေႇ 8၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=လွင်ႈသုၵ်ႉယုင်ႈ ဢိတ်ႇသရေး/ပႃးလဵတ်ႈသတၢႆး notcategory=disputed notcategory=no publish namespace=Main addfirstcategorydate=true count=5 </dynamicpagelist>

မိၵ်ႈမၢႆ လွင်ႈငမ်းယဵၼ် ၼႂ်းၵႄႈ ဢိတ်ႇသရေး လႄႈ ပႃးလဵတ်ႈသတၢႆး
ႁူမ်ႈသၢင်ႈ!
ၸဝ်ႈၸွမ်ၸိုင်ႈ ၵျူဝ်းပၢႆႇတႅၼ်ႇ ၵပ်းၽူၼ်းတင်း ၸွမ်ၽွင်းလူင် ဢိတ်ႇသရေး

မိူဝ်ႈဝၼ်းၸၼ်ၼၼ်ႉ ၸွမ်ၽွင်းလူင် ဢမႄႇရိၵၢၼ်ႇ ၵျူဝ်းပၢႆႇတႅၼ်ႇ လႆႈပၼ်ၽၢင်ႉလွင်ႈယႂ်ႇ ၸွမ်ၽွင်းလူင် ဢိတ်ႇသရေး ၼႄႇတၼ်ႇယႃႇႁု တွၼ်ႈတႃႇ ယႂ်ႇႁႂ်ႈ ႁၢင်ႈသိုၵ်းတိုၵ်းတေႃး ဝဵင်းရႃႇၾႃႇ တီႈ ၵႃႇၸႃႇပွတ်းၸၢၼ်းၼၼ်ႉ ဝႃႈၼႆယဝ်ႉ။

ႁိူၼ်းၵႅဝ်ႇၶၢဝ် ဢမႄႇရိၵၢၼ်ႇ မွၵ်ႇလၢတ်ႈဝႃႈ ၽွင်းဢိတ်ႇသရေးၶဝ် ၸမ်ႁၢင်ႈသိုၵ်ႈတေႃႇ ဝဵင်းရႃႇၾႃႇမႃးၼၼ်ႉ ၸဝ်ႈၸွမ်ၸိုင်ႈပၢႆႇတႅၼ်ႇ လႄႈ ၸွမ်ၽွင်းလူင် ဢိတ်ႇသရေးၶဝ် လႆႈၵပ်းၽူၼ်းလၢတ်ႈတေႃႇၵၼ် ႁိုင်ၶိုင်ႈၸူဝ်ႈမူင်းသေ မီးလွင်ႈသွၼ်ႇၽၢႆႇလီယူႇ ဝႃႈၼႆယဝ်ႉ။ ၵူၺ်းၵႃႈဝႃႈ မိူဝ်ႈဝၼ်းၸၼ်ၼၼ်ႉ ဢိတ်ႇသရေးၶဝ် လႆႈၶၢႆႉၵူၼ်းပႃးလဵတ်ႈသတၢႆး သႅၼ်ပၢႆ ဢွၵ်ႇတီႈ ဝဵင်းရႃႇၾႃႇသေ လႆႈတႄႇတိုၵ်းတေႃး ယိူင်းမၢႆ ဢၼ်မီးတီႈ ပွတ်းဢွၵ်ႇဝဵင်းၼၼ်ႉလႄႈ ၽူႈမီးပုၼ်ႈၽွၼ်း ဢမႄႇရိၵၢၼ်ႇၶဝ် ၸင်ႇလႆႈမႆႈၸႂ်ၸွမ်းၼၼ်ႉယဝ်ႉ။

ဢၢင်ႈဢိင်ၼိူဝ် ၽူႈမီးပုၼ်ႈၽွၼ်း ဢၼ်ဢမ်ႇၶႂ်ႈမွၵ်ႇၸိုဝ်ႈ ၵေႃႉၼိုင်ႈသေ ၶၢဝ်ႇဢေႇပီႇလၢတ်ႈဝႃႈ လူင်ပွင်ၸိုင်ႈ ဢမႄႇရိၵၢၼ်ႇ ဢမ်ႇယုမ်ႇယမ်ဝႃႈ ၼႄႇတၼ်ႇယႃႇႁုၼႆႉ တေႁဵတ်းၵၢၼ်သိုၵ်းယႂ်ႇလူင် တဵမ်တဵမ်ထူၼ်ႈထူၼ်ႈ ဝႃႈၼႆယဝ်ႉ။ ၽူႈမီးသုၼ်ႇလၢတ်ႈ ၽၢႆႇႁူမ်ႈလုမ်ႈၸိုင်ႈမိူင်း ၵျွၼ်ႇၵႃႇၿီႇလၢတ်ႈဝႃႈ ၸဝ်ႈၸွမ်ၸိုင်ႈပၢႆႇတႅၼ်ႇ ဢမ်ႇၶႂ်ႈႁၼ် ၵူၼ်းဢၼ်သေႃႉယူႇတီႈ ဝဵင်းရႃႇၾႃႇ ၵူၼ်းပႃးလဵတ်ႈသတၢႆး လၢၼ်ႉပၢႆၼႆႉ တေလႆႈထူပ်းၽေးယွၼ်ႉ ဢိတ်ႇသရေး ၶဝ်ႈတိုၵ်း ဝဵင်းရႃႇၾႃႇၼၼ်ႉ ဝႃႈၼႆယဝ်ႉ။

ၽူႈမီးသုၼ်ႇလၢတ်ႈ တပ်ႉသိုၵ်း ဢိတ်ႇသရေး ၸွမ်ႁၢၼ် ၻၼ်ၼီးယႄလ်ႁႃးၵရီႇ လၢတ်ႈဝႃႈ ၽူႈမီးပုၼ်ႈၽွၼ်း ဢိတ်ႇသရေးၶဝ် တိုၵ်ႉဝူၼ်ႉသွၼ်ႉ ၶေႃႈတၢင်ႇလၢတ်ႈၵိုတ်းတိုၵ်း ဢၼ်ၸုမ်းႁႃးမၢတ်ႉသ်ၶဝ် ယွမ်းႁပ်ႉၼၼ်ႉ ယူႇၼႆသေတႃႉ လွင်ႈတိုၵ်းတေႃး တီႈၵႃႇၸႃႇတႄႉ တေသိုပ်ႇႁဵတ်းၵႂႃႇယူႇ ဝႃႈၼႆ။


ငိူၼ်ႈငဝ်ႈတိုၼ်း

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=ၸဝ်ႈၸွမ်ၸိုင်ႈ_ၵၢၼ်ႇ_ပၼ်ၽၢင်ႉ_ၸွမ်ၽွင်းလူင်_ဢိတ်ႇသရေး_တွၼ်ႈတႃႇ_ယႃႇႁႂ်ႈတိုၵ်း_ရႃႇၾႃႇ&oldid=4179"