Wikinews

ၼႂ်းမိူင်းရတ်ႈသျႃး လၢႆလၢႆတီႈ ပႃးၸဵမ်ဝဵင်းမွတ်ႇသၵူဝ်ႇ လႆႈထုၵ်ႇ ႁိူဝ်းမိၼ် Drone ယိုဝ်းသႂ်ႇ

ဝၼ်းၸၼ်၊ သႅပ်ႇ​ထႅမ်ႇပႃႇ 2၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း

<dynamicpagelist> category=ပိုၼ်ဢွၵ်ႇယဝ်ႉ category=ရတ်ႈသျႃး notcategory=disputed notcategory=no publish namespace=Main addfirstcategorydate=true count=5 </dynamicpagelist>

ဢွင်ႈတီႈ မိူင်းရတ်ႈသျႃး
ႁူမ်ႈသၢင်ႈ!
ရတ်ႈသျႃး
ရတ်ႈသျႃး
တရူၼ်းယူႇၶရဵၼ်း

မိူဝ်ႈၸဝ်ႉၼႆႉ ႁိူဝ်းမိၼ် ယူႇၶရဵၼ်း ဢၼ်ဢမ်ႇမီးၵူၼ်းၶီႇၼၼ်ႉ ၶဝ်ႈယိုဝ်း ဢွင်ႈတီႈ ရတ်ႈသျႃးလၢႆလၢႆတီႈ ပႃးၸဵမ် ႁူင်းၸၢၵ်ႈၾႆးၾႃႉ လႄႈ ႁူင်းၸၢၵ်ႈ ဢၼ်ႁဵတ်းဢွၵ်ႇ ၼမ်ႉမၼ်းမဵၼ် တီႈဝဵင်းလူင် မွတ်ႇသၵူဝ်ႇ လႄႈ ပွတ်းတွၼ်ႈ တဝႃႇ ၼႆယဝ်ႉ။

သိုဝ်ႇၶၢဝ်ႇ TASS ဢၼ်ပဵၼ် ၶွင်လူင်ပွင်ၸိုင်ႈၼၼ်ႉၵေႃႈ ၼႄဝႆႉ ၶေႃႈၵႂၢမ်း ထၢၼ်ၽွင်းလူင် ၵၢၼ်ၵႅတ်ႇၵင်ႈဝႃႈ ၽၢႆႇၵႅတ်ႇၵင်ႈၵၢင်ႁၢဝ်ၶဝ် ႁႄႉႁၢမ်ႈသေ ယိုဝ်းတူၵ်း ႁိူဝ်းမိၼ် Drone 158 လမ်း ၼႆယဝ်ႉ။ မၼ်းယင်းလၢတ်ႈဝႃႈ ႁိူဝ်းမိၼ် Drone ဢၼ်လႆႈထုၵ်ႇယိုဝ်းတူၵ်း 122 လမ်းၼၼ်ႉ ၵမ်ႈၼမ် ပဵၼ်တီႈ ၼႃႈလိၼ် Kursk, Bryansk, Voronezh လႄႈ Belgorod ဝႃႈၼႆယဝ်ႉ။

ၶၢဝ်ႇဢၼ် ရတ်ႈသျႃး ပိုၼ်ၽၢဝ်ႇဢွၵ်ႇမႃးၼၼ်ႉ ႁဝ်းၶႃႈ ဢမ်ႇၸၢင်ႈမၵ်းမၼ်ႈလႆႈ ႁင်းၶေႃၶေႃ။ မိူင်းယူႇၶရဵၼ်း ဢမ်ႇလႆႈပိုၼ်ၽၢဝ်ႇ ၶေႃႈမုၼ်းသင်။ ၶၢဝ်ႇဢၼ်ၼႆႉ ဢွၵ်ႇမႃး ဝၢႆးသေ ရတ်ႈသျႃး ၸႂ်ႉတိုဝ်း ႁိူဝ်းမိၼ် Drone လႄႈ မၢၵ်ႇၼူၾႆး 200 လိူဝ်သေ ယိုဝ်းသႂ်ႇ ၵၢၼ်ပၢႆးမၢၵ်ႈမီး ႁႅင်းၾႆးၾႃႉ မိူင်းယူႇၶရဵၼ်းၼၼ်ႉ ဝၼ်း႞ ၼၼ်ႉယဝ်ႉ။

လွင်ႈထုၵ်ႇတိုၵ်းၼႆႉ လႆႈပဵၼ်မႃး ဝၢႆးသေ ယူႇၶရဵၼ်းၶဝ် ႁၢင်ႈသိုၵ်းတေႃႇ ၼႃႈလိၼ်ၶိူတ်ႉသ် တီႈ မိူင်းရတ်ႈသျႃး ဢၼ်ႁိုင်မႃး မီးမွၵ်ႈၸမ် ၼိုင်ႈလိူၼ်ၼၼ်ႉယဝ်ႉ။


ငိူၼ်ႈငဝ်ႈၶၢဝ်ႇ

မႄးထတ်း
ဢဝ်ၶိုၼ်းမႃးတီႈ "https://shn.wikinews.org/w/index.php?title=ၼႂ်းမိူင်းရတ်ႈသျႃး_လၢႆလၢႆတီႈ_ပႃးၸဵမ်ဝဵင်းမွတ်ႇသၵူဝ်ႇ_လႆႈထုၵ်ႇ_ႁိူဝ်းမိၼ်_Drone_ယိုဝ်းသႂ်ႇ&oldid=4706"