ၽူႈဢွၼ်ႁူဝ်ၵၢၼ်မိူင်း ၸုမ်းႁႃးမၢတ်ႉသ် တၢႆယွၼ်ႉ ဢိတ်ႇသရေး
ဝၼ်းသုၵ်း၊ ဢေႃးၵၢတ်ႉ 2၊ 2024
.svg)
ၽူႈဢွၼ်ႁူဝ် ၸုမ်းႁမၢသ်ႉ ဢိတ်ႉသမေးလ် ႁႃႇၼီႇယီႇ ဢၼ်ၵႂႃႇၶဝ်ႈႁူမ်ႈ ပၢင်ပွႆးၶၢမ်ႇၵိၼ်ႇၵျၢမ်း ၸွမ်ပွင်ၸိုင်ႈမႂ်ႇ ဢီႇရၢၼ်ႇ တီႈဝဵင်းတီႇႁႃႇရၢၼ်ႇၼၼ်ႉ လႆႈတၢႆၵႂႃႇ ယွၼ်ႉ ဢိတ်ႉၸရေးၶဝ် ယိုဝ်းသႂ်ႇ ၼႆယဝ်ႉ။ သိုဝ်ႇၶၢဝ်ႇ တႄႇရီႇၵရမ်ႇ ၶွင် ႁမၢသ်ႉ ဢွၵ်ႇဝႆႉဝႃႈ ႁႃႇၼီႇယီႇ လႆႈတၢႆၵႂႃႇ ၼႂ်းႁိူၼ်းလင်႞ တီႈမိူင်းဢီႇရၢၼ်း ၼႆယဝ်ႉ။
ၽွင်းမိူဝ်ႈ ႁႃႇၼီႇယီႇ လႆႈထုၵ်ႇယိုဝ်း မိူဝ်ႈၸဝ်ႉၸဝ်ႉၼၼ်ႉ ႁႃႇၼီႇယႃႇ လႄႈ ၵူၼ်းပႂ်ႉမၼ်း ဢၼ်ပဵၼ် ၽူႈၶဝ်ႈၸုမ်း တပ်ႉပႂ်ႉလုၵ်ႉၽိုၼ်ႉ ဢီႇရၢၼ်းၼၼ်ႉၵေႃႈ လႆႈတၢႆၵႂႃႇသေ တပ်ႉပႂ်ႉလုၵ်ႉၽိုၼ်ႉ မိူင်းဢီႇရၢၼ်းတႄႉ လၢတ်ႈဝႃႈ ၶဝ်တိုၵ်ႉၵူတ်ႇထတ်း လွင်ႈၼႆႉယူႇ ၼႆယဝ်ႉ။
ၵဵဝ်ႇၵပ်းလွင်ႈၼႆႉ ဢိတ်ႇသရေးတႄႉ ပႆႇလၢတ်ႈသင်။ လွင်ႈဢၼ် ၽူႈဢွၼ်ႁူဝ် ၸုမ်းႁမၢသ်ႉ လႆႈထုၵ်ႇၶႃႈတၢႆၼႆႉ ပဵၼ်ဝၢႆးသေ ၸုမ်းႁမၢသ်ႉ ဢၼ်ဢီႇရၢၼ်း ၵမ်ႉထႅမ်ၼၼ်ႉ ၶဝ်ႈတိုၵ်း ဢိတ်ႉၸရေး ပွတ်းႁွင်ႇသေ ဢၼ်ၵူၼ်းတၢႆ 1,200 ၵေႃႉ လႄႈ တီႉၺွပ်းၵူၼ်းၵႂႃႇ 250 ၵေႃႉ မီးၸမ် 10 လိူၼ်ယဝ်ႉ။
ႁႃႇၼီႇယီႇ ဢၼ်ပဵၼ်မႃး ၽူႈဢွၼ်ႁူဝ်ၵၢၼ်မိူင်း ၸုမ်းႁမၢသ်ႉ မိူဝ်ႈပီ 2017 ၼၼ်ႉ ဢွၵ်ႇၵႃႇၸႃႇၵႂႃႇ မိူဝ်ႈပီ 2019 သေ ယူႇသဝ်းဝႆႉ တီႈမိူင်းၶႃႇတႃႇ ၼၼ်ႉယဝ်ႉ။
ဢီးၵျိပ်ႈ၊ မိူင်းၶႃႇတႃႇ ဢၼ်ၶတ်းၸႂ် တႃႇတေၵိုတ်းတိုၵ်း ဢိတ်ႇသရေး လႄႈ ၸုမ်းႁမၢသ်ႉ တင်း ဢမႄႇရိၵၢၼ်ႇၼၼ်ႉတႄႉ လၢတ်ႈဝႃႈ ယွၼ်ႉလွင်ႈယိုဝ်းပွၵ်ႈၼႆႉသေ လွင်ႈၶဵင်ႈၶႅင်ၵၼ် ၸၢင်ႈယႂ်ႇမႃးထႅင်ႈ ၼႆယဝ်ႉ။
ငိူၼ်ႈငဝ်ႈၶၢဝ်ႇ
မႄးထတ်း- Nidal Al-Mughrabi and Parisa Hafezi. "Killing of Hamas chief in Iran stirs fears of retaliation" — Reuters, August 1, 2024
- Abby Sewell. "Hamas’ top political leader is killed in Iran in strike that risks triggering all-out regional war" — AP News, August 1, 2024
- Dov Lieber. "Hamas Leader Was Killed in Tehran by a Bomb in His Room" — The Wall Street Journal, August 1, 2024
