ၽူႈၼမ်းၼႂ်းလူင် ၸုမ်းယူႇဢႅၼ်ႇ ပၼ်ၽၢင်ႉဝႃႈ လွင်ႈၶဵင်ႈၶႅင် ပွတ်းဢွၵ်ႇတွၼ်ႈၵၢင်ၼႆႉ မီးၽေး
ဝၼ်းသုၵ်း၊ ဢေႃးၵၢတ်ႉ 2၊ 2024
.jpg)
ၽူႈၼမ်းၼႂ်းလူင် ၸၢတ်ႈၸိုင်ႈလုမ်ႈၾႃႉ ဢၼ်ႇတူဝ်ၼီယူဝ် ၵူတႄရႅသ်ႉ ပၼ်ၾၢင်ႉဝႃႈ ယွၼ်ႉပိူဝ်ႈ ၽူႈၵွၼ်းၸုမ်း ႁိတ်ႉꩡ်ပူဝ်းလႃႇ ၵေႃႉ႞ လႆႈတၢႆၵႂႃႇ တီႈဝဵင်းပႃႇယူဝ်ႇ မိူင်းလႄႇပႃႇၼွၼ်ႇ ၼႂ်းၵႃႈ ဢိတ်ႇသရေးၶဝ် ယိူင်းၸူးတိုၵ်းတေႃး လႄႈ ၽူႈဢွၼ်ႁူဝ်ၵၢၼ်မိူင်း ၸုမ်းႁမၢသ်ႉ ၵေႃႉ႞ လႆႈထုၵ်ႇၶႃႈတၢႆ တီႈမိူင်းဢီႇရၢၼ်းၼၼ်ႉလႄႈ လွင်ႈၶဵင်ႈၶႅင် တီႈပွတ်းဢွၵ်ႇ တွၼ်ႈၵၢင် မီးၽေးၶဵၼ် ၼႆယဝ်ႉ။
ၶေႃႈပိုၼ်ၽၢဝ်ႇ ၽူႈၼမ်းၼႂ်းလူင် ၸၢၸ်ႈၸိုင်ႈလုမ်ၽႃႉ လၢတ်ႈဝႆႉဝႃႈ မိူဝ်ႈၽွင်း ၵူႊၵေႃႉ ၶတ်းၸႂ် တႃႇတေၵိုတ်းယိုတ်း လွင်ႈတိုၵ်းတေႃးၵၼ် ၼႂ်းပၢင်တိုၵ်း ဢိတ်ႇသရေး-ႁမၢသ်ႉ တီႈၵႃႇၸႃႇ ဢၼ်ႁိုင်မႃး ၸမ် 10 လိူၼ်ၼၼ်ႉသေ တႃႇတေ ၸွႆႈထႅမ် လွင်ႈၵူၼ်း ၵူၼ်းမိူင်းပႃးလဵတ်ႈသတၢႆး ၼမ်လိူဝ်မႃးၼၼ်ႉ လႆႈပဵၼ်မႃး လွင်ႈၶတ်းၸႂ် တႃႇႁႂ်ႈ လွင်ႈယိူင်းဢၢၼ်းၸိူဝ်းၼႆႉ ၵူၼ်ႇပင်းမႃး ၼႆယဝ်ႉ။ ။ ၽူႈၼမ်းၼႂ်းလူင် UN တိုၵ်းသူၼ်းဝႃႈ ႁႂ်ႈၵူႈၽၢႆႇၽၢႆႇ ဢၼ်ၵဵဝ်ႇၶွင်ႈ လွင်ႈၼႆႉ ႁႂ်ႈဢွၼ်ၵၼ်ၽၢင်ႉသေႁဵတ်းသၢင်း ၼႂ်းၵႄႈငဝ်းလၢႆး ဢၼ်ႁၢဝ်ႈႁႅင်းၸိူင်ႉၼႆ ဝႃႈၼႆယဝ်ႉ။
ယဝ်ႉၵေႃႈ ပၼ်ၾၢင်ႉဝႃႈ ႁႂ်ႈၸၢတ်ႈၸိုင်ႈလုမ်ႈၾႃႉ ႁူမ်ႈမိုဝ်းၵၼ် ၶၼ်ၶၼ်ဝႆးဝႆးသေ ႁႄႉၵင်ႈ လွင်ႈႁဵတ်းသၢင်ႈ ဢၼ်တေႁဵတ်းႁႂ်ႈ ပွတ်းဢွၵ်ႇတွၼ်ႈၵၢင် တင်းမူတ်း တူၵ်းၵႂႃႇၼႂ်းၵႄႈႁူၺ်ႈၵႄႈလွႆၼၼ်ႉ ၼႆယဝ်ႉ။
ဢိတ်ႇသရေးၶဝ် ဢဝ်ႁိူဝ်းမိၼ် ယိုဝ်းသႂ်ႇ ႁူင်းႁေႃ ဢၼ်မီးတီႈ သဵၼ်ႈတၢင်း ဢၼ်ၵူၼ်းၵိုၼ်းၶွၼ်ႈ တီႈဝဵင်း Beirut ၼၼ်ႉ မိူဝ်ႈဝၼ်းဢႃးတိတ်ႉၼၼ်ႉယဝ်ႉ။ မိူဝ်ႈဝူင်ႈပုၼ်ႉၼၼ်ႉ ယွၼ်ႉၸုမ်းၽၢႆႇလႄႇပႃႇၼွၼ်ႇၶဝ် ဢဝ်မၢၵ်ႇၼူၾႆး ယိုဝ်းသႂ်ႇ ပၢင်ႇပိတ်ႉမၢၵ်ႇၼင် တီႈ Golan Heights ဢၼ်ဢိတ်ႇသရေးၶဝ် ၵုမ်းၵမ်ဝႆႉၼၼ်ႉသေ လုၵ်ႈဢွၼ်ႇ လႄႈ ၵူၼ်းၼုမ်ႇ 12 ၵေႃႉ လႆႈတၢႆၵႂႃႇ ၼႆယဝ်ႉ။ ဢိတ်ႇသရေးၶဝ်တႄႉ လၢတ်ႈဝႃႈ Shukur ၼႆႉ ပဵၼ်ၽူႈမီးပုၼ်ႈၽွၼ်း ၼႆယဝ်ႉ။ ၼႂ်းၶၢဝ်းတၢင်းလၢႆၸူဝ်ႈမူင်းၼၼ်ႉ ၸုမ်းႁမၢသ်ႉၶဝ် ပိုၼ်ၽၢဝ်ႇဝႃႈ ဢိတ်ႇသရေးၶဝ် ၶႃႈႁႅမ်တၢႆ ဢီႇသမေးလ် ႁႃႇၼီႇယႃႇ ၽူႈဢွၼ်ႁူဝ်ၵၢၼ်မိူင်း ၸုမ်းႁမၢသ်ႉၶဝ် တီႈၼႂ်းမိူင်းဢီႇရၢၼ်ႇၼႆယဝ်ႉ။
ငိူၼ်ႈငဝ်ႈၶၢဝ်ႇ
မႄးထတ်း- Daphne Psaledakis and David Brunnstrom. "UN Security Council countries express alarm over risk of all-out Middle East war" — Reuters, August 1, 2024
- Al Aazeera. "UN Security Council members fear all-out war after Haniyeh killing in Iran" — Al Aazeera, August 1, 2024
