CEO Telegram ထုၵ်ႇတိၺွပ်း တီႈတႃႈႁိူဝ်းမိၼ်ၾရၢင်ႇသဵတ်ႈ
ဝၼ်းဢႃးတိတ်ႉ၊ ဢေႃးၵၢတ်ႉ 25၊ 2024
.svg)
.jpg)
ၽူႈၵွၼ်းၵၢၼ် Telegram ဢၼ်ပဵၼ် Pavel Durov ၼၼ်ႉ လႆႈထုၵ်ႇပလိၵ်ႈၾရၢင်ႇသဵတ်ႈၶဝ် တီႉၺွပ်းဝႆႉ တီႈတႃႈႁိူဝ်းမိၼ် ဢၼ်မီးၽၢႆႇၸၢၼ်းဝဵင်းပႄးရိတ်ႉၼၼ်ႉယဝ်ႉ။
မိူဝ်ႈမၼ်းၶီႇႁိူဝ်းမိၼ်သုၼ်ႇတူဝ်မၼ်းသေ လူင်းမႃးတီႈတႃႈႁိူဝ်းမိၼ်ၼၼ်ႉ လႆႈထုၵ်ႇတီႉၺွပ်းၵမ်းလဵဝ်ၼႆ သိုဝ်ႇၶၢဝ်ႇၾရၢင်ႇသဵတ်ႈၶဝ် ဢွၵ်ႇဝႆႉၼင်ႇၼႆ။ ၸဝ်ႈၼႃႈတီႈ ၾရၢင်ႇသဵတ်ႈၶဝ်တႄႉ လၢတ်ႈဝႃႈ မၼ်းထုၵ်ႇတီႉၺွပ်း ၸွမ်းၼင်ႇ ၶေႃႈပူင် ဝရၢၼ်း ဢၼ်ဝႃႈ မၼ်းပူၼ်ႉပႅၼ် လွင်ႈၵဵဝ်ႇၵပ်း Telegram ၼႆယဝ်ႉ။
ယူႇတီႈလုမ်းၽွင်းတၢင်ရတ်ႈသျႃး တီႈမိူင်းၾရၢင်ႇသဵတ်ႈသေ ႁဵတ်းၸွမ်းၼင်ႇဢၼ်လူဝ်ႇႁဵတ်းဝႆးဝႆးၼၼ်ႉယူႇ ယူႇတီႈသိုဝ်ႇၶၢဝ်ႇရသျႃး TASS ဢွၵ်ႇဝႆႉၼင်ႇၼႆ။ တႄႇလီႇၵရမ်ႇၼႆႉ ပဵၼ်ဢႅပ်ႉဢၼ်ၵူၼ်းသူင်ၸႂ် တီႈမိူင်းရတ်ႈသျႃး လႄႈ မိူင်းယူႇၶရဵၼ်းလႄႈ တီႈမိူင်း ၸိူဝ်းယၢမ်ႈၶဝ်ႈပႃႈတီႈၼႂ်း မိူင်းႁူမ်ႈတုမ် သူဝ်ႇဝီႇယႅတ်ႉၵဝ်ႇ သေ ဢမ်ႇၵႃး ၼႂ်းမိူင်းမၢၼ်ႈၵေႃႈ ဢွၼ်ၵၼ်သူင်ၸႂ် ၸႂ်ႉတိုဝ်းဝႆႉယူႇ။
ရတ်ႈသျႃးၼႆႉ ယွၼ်ႉပိူဝ်ႈ ဢမ်ႇယွမ်းမွပ်ႈပၼ် ၶေႃႈမုၼ်းလႄႈ ႁၢမ်ႈတၢပ်ႈ လွင်ႈၸႂ်ႉတိုဝ်း Telegram ၼႂ်းမိူင်း မိူဝ်ႈပီ 2018 ၼၼ်ႉသေတႃႉ မိူဝ်ႈပီ 2021 ၼၼ်ႉ ၶိုၼ်းပၼ်ၶႂၢင်ႉၸႂ်ႉတိုဝ်း Telegram ၼႆယဝ်ႉ။ မၼ်းတႄႇတင်ႈ Telegram မႃးမိူဝ်ႈပီ 2013 ။
လိူဝ်ၼၼ်ႉ မၼ်းဢမ်ႇယွမ်းႁပ်ႉ လူင်ပွင်ၸိုင်ႈရတ်ႈသျႃး ဢၼ်ဢမ်ႇပၼ်ၸုမ်းၽၢႆႇသၢၼ်ၶတ်းၶဝ် ၸႂ်ႉတိုဝ်း ၼႅင်ႈတူင်ႇဝူင်းၵူၼ်း VK ဢၼ်မၼ်းၵေႃႇတင်ႈမႃးၼၼ်ႉလႄႈ မၼ်းလႆႈဢွၵ်ႇမိူင်းရတ်ႈသျႃးမႃး ၸဵမ်မိူဝ်ႈပီ 2014 ၼၼ်ႉယဝ်ႉ။ ယၢမ်းလဵဝ် မၼ်းၶၢႆ VK ပၼ်ၸဝ်ႈၶွင်တၢင်ႇၵေႃႉယဝ်ႉ။
ငိူၼ်ႈငဝ်ႈၶၢဝ်ႇ
မႄးထတ်း- Ingrid Melander and Guy Faulconbridge. "Telegram messaging app CEO Durov arrested in France" — Reuters, August 25, 2024
- Joseph Ataman. "Telegram CEO Pavel Durov detained at airport in France" — CNN, August 25, 2024
- Reuters. "Telegram messaging app CEO Durov arrested in France" — Bangkok Post, August 25, 2024
- Thomas Mackintosh & Will Vernon. "Telegram CEO Pavel Durov arrested at French airport" — BBC News, August 25, 2024
