Keir Starmer ပဵၼ်မႃး ၸွမ်ၽွင်းလူင်မႂ်ႇ မိူင်းဢိင်းၵလဵတ်ႈ

ဝၼ်းသဝ်၊ ၸူႇလၢႆႇ 6၊ 2024 

ၸွမ်ၽွင်းလူင် Sir ၶီႇယႃႇသတႃႇမႃႇ ႁွတ်ႈထိုင်မႃး သဵၼ်ႈတၢင်း 10 တွင်းၼိၼ်း

Keir Starmer ဢၼ်ပဵၼ်ၽူႈဢွၼ်ႁူဝ် ပႃႇတီႇလေႇၿႃႇ တီႈမိူင်းပရိိတ်ႈတဵၼ်ႇၼၼ်ႉ ပဵၼ်မႃး ၸွမ်ၽွင်းလူင်မႂ်ႇယဝ်ႉ။ ၸွမ်ၶုၼ်ၽွင်းလူင်ၵဝ်ႇ ရီႇသျီႇသုၼၵ်ႉ လႆႈထွၼ်တူဝ်ဢွၵ်ႇ ဝၢႆးသေ ပႃႇတီႇၶွၼ်ႇသႃႇဝေးတိပ်ႉ ​​လႆႈတူၵ်းသုမ်း တီႈပၢင်လိူၵ်ႈတင်ႈ မိူဝ်ႈဝၼ်းၽတ်းၼၼ်ႉယဝ်ႉ။

ဝၢႆးသေ ၶီႇယႃႇသတႃႇမႃႇ ႁပ်ႉတၼ်းႁဵင်း ၸွမ်ၽွင်းလူင်ယဝ်ႉၼၼ်ႉ မၼ်းပၼ်ၵႂၢမ်းမၼ်ႈဝႃႈ တေၶတ်းၸႂ်သၢင်ႈလႆႈ လူင်ပွင်ၸိုင်ႈ ဢၼ်ၵူၼ်းမိူင်း ယုမ်ႇယမ်လႆႈၼၼ်ႉယူႇ ၼႆယဝ်ႉ။ ၸွမ်ၶုၼ်ၽွင်းလူင်မႂ်ႇ မွၵ်ႇလၢတ်ႈၶေႃႈၵႂၢမ်း တီႈၼႃႈ မၢႆ 10 သဵၼ်ႈတၢင်းတွင်းၼိၼ်း သေ လၢတ်ႈဝႃႈ တႄႇဢဝ်ဝၼ်းမိူဝ်ႈၼႆႉၵႂႃႇ တေၵေႃႇသၢင်ႈၶိုၼ်း မိူင်းပရိတ်ႈတဵၼ်ႇ။ ပႃႇတီႇၶွၼ်ႇသႃႇဝေးတိပ်ႉ ​​လႆႈတူၵ်းသုမ်း ဢၼ်ႁၢဝ်ႈႁႅင်းလိူဝ်ပိူၼ်ႈ ၼႂ်းပိုၼ်း 100 ပီ ၼႂ်းပၢင်လိူၵ်ႈတင်ႈ ဢၼ်လႆႈထုၵ်ႇ ၵူၼ်းတင်းၼမ် သႄႉသွမ်း ယွၼ်ႉ ၵၢၼ်တေႃႉသူင်ႇ တေႃႇထိုင် ၵၢၼ်ပၢႆးယူႇလီ ဢၼ်ဢမ်ႇလႆႈသဵင်ႈငိုၼ်း တီႈမိူင်းပရိတဵၼ်ႇၼၼ်ႉ လူႉလႅဝ်ၵႂႃႇ ၼႆယဝ်ႉ။

ၽူႈမီးၸၼ်ႉသုင် ၼႂ်းပႃႇတီႇ ၶွၼ်ႇသႃႇဝေးတိပ်ႉ ​​ဢၼ်ဢုပ်ႉပိူင်ႇမိူင်းၼၼ်ႉ လၢႆလၢႆၵေႃႉ ပႃးၸဵမ် ၸွမ်ၽွင်းလူင်ၵဝ်ႇ လီႊၸီႊထရႅတ်ႉၵေႃႈ လႆႈသုမ်းတီႈၼင်ႈ ၼႂ်းသၽႃး ၼႆယဝ်ႉ။ ပႃႇတီႇလေႇၿႃႇ လႆႈတီႈၼင်ႈ 174 တီႈၼင်ႈ ၼႂ်းသၽႃး 412 တီႈၼင်ႈသေ ႁဵတ်းႁႂ်ႈ ၵၢၼ်ၽွင်းငမ်း ၶွၼ်ႇသႃႇဝေးတိပ်ႉ ​ဢၼ်ႁိုင်မႃး ​14 ပီၼၼ်ႉ လႆႈသုတ်းသဵင်ႈၵႂႃႇ။

ငိူၼ်ႈငဝ်ႈၶၢဝ်ႇ

• Jill Lawless. "He’s derided as dull but Keir Starmer becomes UK prime minister with a sensational victory" — AP News, July 6, 2024
• CNN. "Keir Starmer has become the UK's 58th prime minister. Hear his first speech" — CNN, July 6, 2024
• Paul Seddon. "Starmer vows to serve whole UK as new Labour PM" — BBC News, July 5, 2024
• DW News. "UK election: Keir Starmer becomes Britain's new PM" — DW News, July 5, 2024