Shehbaz Sharif ထုၵ်ႇလိူၵ်ႈပဵၼ် ၸွမ်ၽွင်းလူင်မႂ်ႇ ပႃႇၵိတ်ႈသတၼ်ႇ

ဝၼ်းၸၼ်၊ မၢတ်ႉၶျ် 4၊ 2024 

သၽႃး ပႃႇၵိတ်ႈသတၼ်ႇ လႆႈပၼ်ၶႅပ်းၵၢင်ၸႂ်သေ လိူၵ်ႈ Shehbaz Sharif ပဵၼ် ၸွမ်ၽွင်းလူင်မႂ်ႇယဝ်ႈ။

ၼႂ်းၵႃႈ တီႈပၢင်လိူၵ်ႈတင်ႈၵူႈထၢၼ်ႈ ပႃႇၵိတ်ႈသတၼ်ႇ ဢၼ်ၸတ်းႁဵတ်းမႃး ၼႂ်းလိူၼ်ၾႅပ်ႇဝႃႇရီႇၼၼ်ႉ မီးလွင်ႈမၢပ်ႇၼႄးဝႆႉ မီးမႃးလွင်ႈလႅၼ်ၶႅပ်းၵၢင်ၸႂ်ၼႆသေတႃႉ သၽႃးတႂ်း လႆႈပၼ်ၶႅပ်းၵၢင်ၸႂ်သေၵေႃႈ လိူၵ်ႈမႃး မိူၼ်ၼင်ႇ ယၢမ်းလဵဝ်ၼႆႉယဝ်ႉ။ တွၼ်ႈတႃႇ ထုၵ်ႇလိူၵ်ႈပဵၼ် ၸွမ်ၽွင်းလူင်ၼႆႉ ၼႂ်းၵႃႈ တႅၼ်းၽွၼ်းသၽႃးတႂ်ႈ 336 ၵေႃႉၼၼ်ႉ တေလူဝ်ႇ ၶႅပ်းၵၢင်ၸႂ် 169 ၶႅပ်းသေ ၶႅပ်းၵၢင်ၸႂ် ဢၼ် Shehbaz Sharif လႆႈမႃးၼႆႉ မီးၵႂႃႇ 201 ၶႅပ်းယဝ်ႉ။

Omar Ayub ဢၼ်ပဵၼ် ၽၢႆႇသၢၼ်ၶတ်း ဢၼ်လႆႈတၢင်းၵမ်ႉထႅမ် ၸွမ်းၽွင်းလူင်ၵဝ်ႇ Imran Khan ဢၼ်တိုိုၵ်ႉတူၵ်းၶွၵ်ႈဝႆႉယူႇၼၼ်ႉတႄၵူၺ်းလႆႈ ၶႅပ်းၵၢင်ၸႂ် 92 ၶႅပ်းၵူၺ်း။ ၽိူဝ်ႇ Ayaz Sadiq ဢၼ်ပဵၼ် ၽူႈၼမ်းသၽႃးတႂ်ႈ ပိုၼ်ၽၢဝ်ႇဝႃႈ Shehbaz Sharif ထုၵ်ႇလိူၵ်ႈပဵၼ် ၸွမ်ၽွင်းလူင် ပႃႇၵိတ်ႈသတၼ်ႇၼႆၸိုင် တႅၼ်ၽွင်းသၽႃး ၸိူဝ်းၵမ်ႉထႅမ် ၸွမ်ၽွင်းလူင်ၵဝ်ႇ Imran Khan ၼၼ်ႉ လႆႈဢွၵ်ႇသဵင်သၢၼ်ၶတ်းမႃး ႁႅင်းႁႅင်းယူႇယဝ်ႉ။

တႅၼ်းၽွင်း ၸိူဝ်းဢၼ်ၵမ်ႉထႅမ် Imran Khan မၢပ်ႇၼႄးဝႃႈ ပၢင်လိူၵ်ႈတင်ႈၵူႈထၢၼ်ႈ ဢၼ်ၸတ်းႁဵတ်းမိူဝ်ႈ ၾႅပ်ႇဝႃႇရီႇ ဝၼ်းထိ 8 ၼၼ်ႉ ၼင်ႇႁိုဝ် ပႃႇတီႇ PML-N ႁင်း Sharif လႄႈ ပႃႇတီႇ ၸိူဝ်းဢၼ် ၵမ်ႉထႅမ် တပ်ႉသိုၵ်းၶဝ်ၼၼ်ႉ ပေႃးတေဢွင်ႇပႄႉၼႆႉ မီးမႃးလွင်ႈလႅၼ် ၶႅပ်းၵၢင်ၸႂ် တႄႉတႄႉဝႃႈဝႃႈ ဝႃႈၼႆယဝ်ႉ။ တီႈႁိမ်းသၽႃးၼၼ်ႉၵေႃႈ ၵူၼ်းၸိူဝ်းၶၢမ်ႇသႅတ်ႉၸႃႇ Imran Khan ၼၼ်ႉ ဢွၼ်ၵၼ် ယိပ်းၶႅပ်းႁၢင်ႈ Khan ဝႆႉသေ ဢွၼ်ၵၼ်ႁွင်ႈသဵင်ၵမ်ႉထႅမ် မိူဝ်ႈလဵဝ်ၵၼ်သေ ၶဝ် သိုပ်ႇႁွင်ႉဝႃႈ Shehbaz Sharif ၼႆႉ ပဵၼ် "ၽူႈလၵ်ႉ သုၼ်ႇႁဵတ်းသၢင်ႈ" ဝႃႈၼႆယဝ်ႉ။

ငိူၼ်ႈငဝ်ႈတိုၼ်း

• Ayaz Gul. "Pakistan Elects Shehbaz Sharif as New Prime Minister" — VOA News, March 3, 2024
• VOA News. "ပါကစ္စတန်ဝန်ကြီးချုပ်သစ်အဖြစ် Shehbaz Sharif ရွေးချယ်ခံရ" — VOA News, March 4, 2024